ကရင်သတင်းစဉ်(KIC)
မြန်မာနိုင်ငံတွင် မတရားဖမ်းဆီးထိန်းသိမ်းခံထားရသည့် နိုင်ငံရေးလှုပ်ရှားသူများကို အမှုလိုက်ပေးရင်း တရားစီရင်ရေးကို အနှောင့်အယှက်ပေးသည်ဟူသော အမှုဖြင့် မျက်ကွယ်တွင် ထောင်ဒဏ် (၆)လစီရင်ခြင်းခံရသည့် လူငယ်ရှေ့နေစောကျော်ကျော်မင်းသည် ဒီဇင်ဘာ လဆန်းပိုင်း၌ ထိုင်း-မြန်မာနယ်စပ်သို့ ထွက်ပြေးတိမ်းရှောင်လာခဲ့သည်။
“အဓိကအကြောင်းရင်းကတော့ ကျနော်တို့ကို ပုဒ်မ ၂၂၈နဲ့ တရားစွဲဆိုလိုက်တဲ့အချိန်မှာ ကျနော့အနေနဲ့ ၂၇ရက်နေ့မှာ သွားပြီးရင်ဆိုင်ခဲ့ပါတယ်။ ဒါပေမယ့် ၃၀ရက်နေ့လို့ပြန်ချိန်းလိုက်ပြီး ၂၉ရက်နေ့မှာပဲ အထက်အမိန့်အရဆိုပြီး ဖမ်းဆီးချုပ်နှောင်ဖို့လုပ်တော့ ဒီလိုတရားစီရင်ရေးဟာ လုံးဝတရားမျှတမှုမရှိဘူးဆိုပြီး ရင်မဆိုင်တော့ပဲ ကျနော်ထွက်ပြေးတိမ်းရှောင်လာရခြင်း ဖြစ်တယ်“ဟု ဒီဇင်ဘာ ၁၅ရက်နေ့ သတင်းစာရှင်းလင်းပွဲတွင်စောကျော်ကျော်မင်းက ပြောဆိုခဲ့သည်။
အောက်တိုဘာ ၂၃ရက်နေ့တွင် ရန်ကုန်တိုင်း၊ လှိုင်သာယာမြို့ နယ်တရားရုံးတွင် ကိုသန့်ဇင်မျိုးပါဝင်သည့် (၁၁)ဦးအမှုကို ရှေ့ နေအဖြစ် လိုက်ပါဆောင်ရွက်ရာတွင် စွပ်စွဲခံရသူများက တရားရုံးတော်ကို ကျောပေးထိုင်သည်ကို ၀င်ရောက်ပြောဆိုညွန်ကြားခြင်း မပြုသည့်အတွက် ရှေ့ နေစောကျော်ကျော်မင်းနှင့် ကိုညီညီထွေးတို့အား ပြစ်မှုဆိုင်ရာ ဥပဒေပုဒ်မ(၂၂၈)၊ ပြစ်မှုကြီးအမှတ် ၁၁၁/၀၈ဖြင့် တရားစွဲဆိုခဲ့ခြင်း ဖြစ်သည်။
စောကျော်ကျော်မင်းအနေဖြင့် မြန်မာနိုင်ငံ၏ တရားစီရင်ရေးစနစ်ကြီး ပိုမိုကောင်းမွန်လာအောင်၊ တရားမျှတမှုရှိအောင် ထုိုင်း-မြန်မာနယ်စပ်တွင် နည်းလမ်းရှိသမျှ ဆောင်ရွက်သွားမည်ဟု သတင်းစာရှင်းလင်းပွဲ၌ ပြောခဲ့သည်။
“မြန်မာနိုင်ငံရဲ့လုံးဝမကောင်းတဲ့ တရားစီရင်ရေးစနစ်ကို ကောင်းသထက်ကောင်းအောင်လုပ်ဖို့အတွက် ရည်ရွယ်ပါတယ်။ ဖြစ်ပျက်ခဲ့တဲ့အမှုတွေကို ကျနော်တို့ပြန်ကြည့်မယ်ဆိုရင် မြန်မာနိုင်ငံမှာ နိုင်ငံရေးအင်အားစုတွေကို နှစ်ရှည်ထောင်ဒဏ်တွေ ချမှတ်တယ်။ အထူးသဖြင့်တော့ တရားစီရင်ရေးစနစ်ကနေပြီး အုပ်ချုပ်ရေးစနစ်ကို ပြောင်းလဲသွားတာကိုက လုံးဝမကောင်းတဲ့ တရားစီရင်ရေးစနစ်လို့ပြောချင်ပါတယ်“ဟု ပြောသည်။
၂၀၀၅ခုနှစ်တွင် ဥပဒေဘွဲ့ ရရှိသူ စောကျော်ကျော်မင်းသည် အဲန်အယ်လ်ဒီလူငယ်တယောက်အနေဖြင့် လုပ်ကိုင်ခဲ့ပြီး နိုင်ငံရေးသမားများ၏ ယုံကြည်ချက်၊ ခံယူချက်များကို လေးစားသည့်အတွက် ကိုသန့်ဇင်မျိုးပါ (၁၁)ဦးအမှုအပြင် ကိုဖိုးတုတ်ပါ (၃၀)ဦးအမှုနှင့် ကိုရဲဇော်ထိုက်ပါ (၇)ဦးအမှုများကိုလည်း လိုက်ပါဆောင်ရွက်ပေးခဲ့သည်။
ဒီသတင်းကို ပေးပို့ပေးခဲ့သူ ကရင်သတင်းစဉ်အယ်ဒီတာ နန်းဖောဂေအား ကျေးဇူးတင်ပါကြောင်း။
ကျော်အဲခေါင်သောင့်
Thursday, December 18, 2008
Subscribe to:
Post Comments (Atom)
