တပ်အင်အားဖြည့်ရန် BGF က တပ်သားသစ်ထပ်ကောက်ခံ

ဧပြီလ ၁၉ရက်။ စောခါးစူးညား (ကေအိုင်စီ)

ကရင်ပြည်နယ်ရှိ နယ်ခြားစောင့်တပ်-BGF ၏ အကြံပေးပုဂ္ဂိုလ် စောချစ်သူက မြ၀တီမြို့နယ်အတွင်းရှိ ကျေးရွာများမှ တာ ၀န်ရှိသူများကို ဧပြီလ ၈ရက်နေ့က ရွှေကုက္ကိုရွာတွင် ခေါ်ယူကာ တပ်သားသစ် ၇၅ဦး တောင်းခံထားကြောင်း ကေအိုင်စီက စုံစမ်းသိရှိရသည်။

နယ်ခြားစောင့်တပ်သည် ၎င်းတို့၏ တပ်အင်အားဖြည့်ရန်အတွက် ယခုလို တပ်သားသစ် တောင်းခံခြင်းဖြစ်ပြီး ဧပြီလ ၂၇ ရက်နေ့တွင် ၎င်းတို့ထံ အရောက်ပို့ပေးရမည်ဟု ပြောဆိုခဲ့ကြောင်း ဒေသခံအချို့က ပြောသည်။

ယင်းသို့ တပ်သားသစ် ကောက်ခံရာတွင် နဘူးမြို့နယ် မယ်ပလဲ့တိုဒေသအတွင်းရှိ ရွှေကုက္ကိုရွာမှ ၂၀ဦး၊ ထီးဝါ့ဘလောရွာ မှ ၁၂ဦး၊ ကယ်ဝေါ်ရွာမှ ၁၀ဦး၊ လို့ဘောရွာမှ ၇ဦး၊ ထီးချားရာရွာမှ ၅ဦး၊ ကျဝေါ်ခို့ရွာမှ ၄ဦး၊ သဲပုံရွာမှ ၄ဦး၊ ထီးဟိုထောရွာမှ ၃ဦး၊ သီ့ဝါးပူရွာမှ ၃ဦး၊ ဖားကျူရွာမှ ၃ဦး၊ သက္ကာရရွာမှ ၂ဦး၊ မဲပလဲ့ထာ့ရွာမှ ၁ဦးနှင့် တောအူရွာမှ ၁ဦးဖြစ်ကြောင်း ကရင်အ မျိုးသားအစည်းအရုံး(KNU)၏ သတင်းထုတ်ပြန်ချက်တွင် ဖော်ပြထားသည်။

နဘူးမြို့နယ်မှာ KNU ၏ နယ်နိမိတ်သတ်မှတ်ချက်အရ ဖားအံခရိုင်တွင် တည်ရှိသော်လည်း မြန်မာအစိုးရ၏ သတ်မှတ် ချက်အရ မြ၀တီမြို့ နယ်နိမိတ်ဖြစ်သည်။

KNU ဖားအံခရိုင် ဥက္ကဌ ပဒိုစောအောင်မော်အေးက “BGF က တပ်သားသစ်ကို အဲလိုသတ်မှတ်ထားပြီး ခေါ်မရတဲ့သူတွေ ကို ဘတ်ငွေ တစ်သိန်းပေးရမယ်လို့ ကျနော်တို့ ကြားတယ်။ သူတို့တပ်ထဲမှာ ထွက်ပြေးတဲ့သူများလာတော့ တပ်သားသစ် တွေ ထပ်ကောက်ခံတာပေါ့။ မောင်ချစ်သူဟာ တပ်ကလူ မဟုတ်တော့ပေမဲ့ သူက အကြံပေးပုဂ္ဂိုလ်ဖြစ်တဲ့အခါကျတော့ သူ့ မှာ သြဇာအပြည့်ရှိသေးသလို တပ်အကြောင်းလည်း သိတဲ့အနေအထားပေါ်မှာ သူပဲ ဒီတပ်သားသစ်ကောက်တဲ့ကိစ္စကို ၀င်ကိုင်နေတာပဲ။”ဟု ပြောသည်။

ကေအဲန်ယူ ဖားအံခရိုင် တပ်မဟာ(၇)နယ်မြေတွင် ၂၀၁၁ခုနှစ်၊ ဧပြီလ ၆ရက်အထိ နယ်ခြားစောင့်တပ်ဖွဲ့ဝင် ၅၁ဦး ထွက် ပြေးရောက်ရှိလာခဲ့သည်ဟု ကေအဲန်အယ်လ်အေ တပ်မဟာ(၇)၏ မှတ်တမ်းများအရ သိရသည်။

BGF တပ်သားသစ် ကောက်ခံသည့် ဒေသမှ ရွာသားတစ်ဦးက “တပ်ထဲဝင်ဖို့ သွားမယ့်သူလည်း မရှိတော့ဘူး။ ကရင်အ ချင်းချင်း တိုက်ရမှာဖြစ်တဲ့အတွက်လည်း ဘယ်သူမှမသွားချင်ကြဘူး။”ဟု ဆိုသည်။

ယင်းသို့ တပ်သားသစ်ကောက်ခံသည့် သတင်းထွက်ပေါ်နေသည်ကို မြ၀တီမြို့နယ် ရွှေကုက္ကိုကျေးရွာရှိ BGF တပ်မှူးတစ် ဦးထံ ကေအိုင်စီက ဆက်သွယ်မေးမြန်းရာ ထိုသတင်းမှာ မဟုတ်မှန်ကြောင်းနှင့် ၎င်းတို့အနေဖြင့် တပ်သားသစ် ကောက်ခံ ခြင်း အစီအစဉ် တစုံတရာ မရှိကြောင်း ပြန်လည်ပြောဆိုခဲ့သည်။

စောချစ်သူ ဦးဆောင်သည့် ယခင် ဒီကေဘီအေ တပ်မဟာ-၉၉၉ သည် ပြီးခဲ့သည့် ၂၀၀၉ခုနှစ်၊ မေလကလည်း ဖားအံခရိုင် ပိုင်ကျုံမြို့နယ်အတွင်းရှိ ကျေးရွာများတွင် တပ်သားသစ်စုဆောင်းမှု တကြိမ် ပြုလုပ်ခဲ့သေးသည်။

ကိုးသုံးလုံးဂိတ်အသစ်ထပ်ဖွင့် ဂိတ်ဟောင်းနှင့် တလှည့်စီလုပ်စားနေ

ကရင်သတင်းစဉ်
ဘန်ကောက်မှ ပြန်လာသည့် မြန်မာရွေ့ပြောင်းအလုပ်သမားများကို ထိုင်းလူဝင်မကြီးကြပ်ရေးက ပြန်ပို့နေသည့် မြန်မာဘက်ကမ်း (၉၉၉)ဂိတ်ကို အသစ်တဂိတ် ထပ်မံဖွင့် ဂိတ်သစ်နှင့် ဂိတ်ဟောင်း တရက်စီ အလှည့်ကျ ဂိတ်ကြေးကောက်ခံလျှက်ရှိသည်ဟု ကိုယ်တိုင်ကြုံတွေ့ရသူများက ပြောသည်။
မြ၀တီမြို့မှ ကားဖြင့် တနာရီခရီးသွားရသော အဆိုပါ (၉၉၉)ဂိတ်ဟောင်းကို ဖွင့်လှစ်ထားသည်မှာ ဆယ်နှစ်ကျော်ကြာမြင့်ခဲ့ပြီး ထိုဂိတ်မှတ ဆင့် ဘန်ကောက်မှ ပြန်ပို့လာသူများကို လက်ခံရွေးယူရာတွင် ဝေစားမျှစား မညီသဖြင့် မူလဂိတ်နှင့် မနီးမဝေးတွင် ဂိတ်အသစ်တခု ထပ်မံဖွင့်လှစ်ကာ အလှည့်ကျစနစ်ဖြင့် လုပ်စားနေကြခြင်းဖြစ်သည်ဟု သိရသည်၊
“သူတို့က အဝေမတည့်ကြဘဲ ပြသနာဖြစ်ကြတယ်လေ၊ အဲဒီတော့ ဂိတ်ဟောင်းနဲ့ မလှမ်းမကမ်းမှာ ဂိတ်အသစ်တခု ထပ်ဖွင့်တယ်၊ ၂လ ပိုင်းမှာ အစည်းအဝေးတခုလုပ်ပြီး ဂိတ်သစ်နဲ့ ဂိတ်ဟောင်းကို တလှည့်စီ လူအပို့ခိုင်းမယ်ဆိုတဲ့ ဆုံးဖြတ်ချက်ကျတယ်လေ၊ အဲဒီနောက်ပိုင်း ဘန်ကောက် ကားပေါ်က ဖမ်းလာတဲ့သူတွေကို တောမောတွေက တရက် တဂိတ်စီ ပြန်သွန်ပို့ပေးနေတယ်လေ၊ ဥပမာ ဒီနေ့ကို ဂိတ်ဟောင်းမှာသွန်ရင် နောက်နေ့ဆို ဂိတ်သစ်မှာသွန်တာပေါ့”ဟု ဂိတ်ဟောင်းနှင့် ဂိတ်သစ်ကို သွားလာနေသူ ဆိုင်ကယ်သမားတဦးက ပြောသည်၊
ထိုင်းလူဝင်မကြီးကြပ်ရေး(တောမော). အဆက်အသွယ်ဖြင့် မြန်မာဘက်ကမ်းသို့ ပြန်လည်ပို့ဆောင်ခဲ့ပြီး လူတဦးချင်းစီကို သတ်မှတ်ထား သည့် အခကြးငွေဖြင့် ပြန်လည်ရွေးထုတ်ယူရသည်ဟု ညီမဖြစ်သူကို သွားရောက်ခေါ်ယူခဲ့ရသည့် ကရင်အမျိုးသမီးတဦးက ပြောသည်၊ “အဲဒီဂိတ်တွေ က ထိုင်းတောမောနဲ့ ကြိုညှိထားပြီးသား၊ ဥပမာ ဒီနေ့ကို ဘန်ကောက်ကလူ ဘယ်နှစ်ယောက် ပြန်ပို့လာမယ်ဆိုတာ သူတို့က ဖုန်းနဲ့အဆက်အသွယ် လုပ်ထားတယ်၊ အဲဒီအခါ ကိုးသုံးလုံးဂိတ်ကနေ ကယ်ရီသမားက အဆင်သင့်စောင့်နေလိုက်ရုံပဲ၊ ကိုယ့်ကိုလာရွေးမဲ့ ကယ်ရီမရှိရင် မပြန်ရဘူးလေ”ဟု သူမက ပြောသည်၊
ထိုဂိတ်တွင် တိုးတက်သောကရင်ဗုဒဘာသာတပ်ဖွဲ့(ဒီကေဘီအေ)။ မြန်မာစစ်တပ်နှင့် ကယ်ရီသမားများက ဝေစားမျှစားလုပ်နေကြပြီး လူတ ဦးလျှင် ထိုင်းဘတ်ငွေ ၁˜၃၀၀ပေးဆောင်ရသည်ဟု ကိုယ်တိုင်ကြုံတွေ့ရသူတဦးက ပြန်လည်ပြောပြသည်၊
“ကျမတို့ တယောက်ကို ဘတ် ၁၃၀၀ ကယ်ရီသမားကိုပေးရတယ်၊ ဒါ အပြီးပဲ၊ ကျန်တာ သူတို့ဖာသာသူတို့ ပြန်ဝေယူကြတယ်၊ ကျမတို့ အတွက်တော့ ဂိတ်ကပြန်ထွက်လာနိုင်ဖို့ပဲ၊ အရေးထဲမှာ အဲဒီဂိတ်တွေက ဒီကေဘီအေတွေကလည်း ရန်ပုံငွေအတွက်ဆိုပြီး ပြန်လာတဲ့သူတွေကို စာအုပ် တွေ ရောင်းတယ်၊ တအုပ်ကို ဘတ် ၂၀၀နဲ့ မ၀ယ်မနေရတဲ့၊ ကျမက ကျောင်းမနေရတော့ ဘာစာမှလည်းမဖတ်တတ်ဘူး၊ ဒါပေမဲ့ ၀ယ်ရတာပဲလေ၊ ပြီး တော့ သူများကို ပေးလိုက်တာပေါ့”ဟု ဘန်ကောက်မှ ပြန်လာသူ အကြိင်က ပြောသည်၊

ဘန်ကောက်ကားပေါ်တွင် ဖမ်းမိသည့် တရားမ၀င် မြန်မာပြည်သားများကို ပြန်လည်ပို့ဆောင်ရာ့ ထိုင်းလူဝင်မှုကြီးကြပ်ရေးဌာနမှ တာဝန် ပေးထားသူတဦးက မြန်မာဘက်ကမ်းရှိ ကယ်ရီသမား(လူကုန်ကူးသူ)များထံ ဖုန်းဖြင့်ဆက်သွယ်ှု ရောက်ရှိလာမည့် လူဦးရေစာရင်းနှင့် နေရာအတိအ ကျကို ကြိတင်သတင်းပို့ပြီး လုပ်ဆောင်လျှက်ရှိကြောင်းလည်း မြ၀တီဒေသခံ အတော်များများက ပြောဆိုနေကြသည်၊
မြ၀တီမြို့မှ ဆိုင်ကယ်ကုန်သည်တဦးက “ထိုင်းတောမောဘက်က သူတို့လူရှိတယ်၊ အဲလိုဘန်ကောက်ကားပေါ်က ဖမ်းလာတဲ့သူတွေကို ပြန် ရွေးတဲ့နေရာမှာ တယောက်ကို ဘတ် ၆၀၀ တောမောကို ပေးရတယ်လေ၊ တနေ့တနေ့ကို အယောက်ရာနဲ့ချီတော့ တောမောတွေ ဘယ်လောက်ရသ လဲ စဉ်းစားကြည့်ပေါ့၊ အစကဆို ဖမ်းမိလာတဲ့သူတွေကို တံတားထိပ်က တောမေားမှာစုထားပြီး မြန်မာဘက်ကို ပြန်ပို့တာပဲ၊ အဲဒါက တရားဝင်နည်း နဲ့ပို့တာပေါ့၊ ဒါပေမဲ့ ငွေမရဘူးလေ၊ အခုဂိတ်ကနေပို့တော့ ဟိုဘက်ဒီဘက် နှစ်ဖက်ရိုက်ပြီး လုပ်စားနေကြတာပေါ့၊ ကြားထဲက အသားလွတ်ကြီး ပေးနေ ရတာက ပြန်ပို့ခံရတဲ့လူတွေပဲလေ”ဟု ဆိုသည်၊
၎င်းဂိတ်များတွင် ထိုင်းဘက်ကမ်းမှ တနေ့လျှင် အနည်းဆုံး လူအယောက် ၄၀၀ခန့် ပြန်ပို့လာသည့်အပြင် ထိုသူများကို မွန်။ ကရင်။ ပအိုဝ့်။ ဗမာ စသည်ဖြင့် လူမျိုးအလိုက် သီးသန့်ခွဲထုတ်ပြီး သက်ဆိုင်ရာ ကယ်ရီသမားများက တဦးချင်းစီကို မေးမြန်းကာ တာဝန်ခံရွေးယူသည့်စနစ်ဖြင့် လုပ် ဆောင်လျှရှိသည်ဟုလည်း ကုန်သည်တဦးက ပြန်လည်ပြောပြခဲ့သည်၊

ပထမဆုံးကရင်ဗုဒ္ဓဘာသာဘုန်းကြီးကျောင်း သြစတြေးလျားနိုင်ငံတွင် ဖွင့်လှစ်

သြစတြေးလျားနိုင်ငံရောက် ဗုဒ္ဓဘာသာကရင်အမျိုးသားများ၏ ပထမဦးဆုံး ဗုဒ္ဓဘာသာကရင်ကျောင်းကို မတ်လ ၁၄ရက်နေ့(စနေနေ့)က ဗီတိုးရီးယား ပြည်နယ်၊ မဲဘုန်းမြို့တွင် စတင်ဖွင့်လှစ်လိုက်ပြီးဖြစ်သည်။

မဲဘုန်းမြို့ရောက် ကရင်ဘုန်းတော်ကြီးများနှင့် ဗုဒ္ဓဘာသာကရင်အမျိုးသားများက ဦးစီးတည်ထောင်ခြင်း ဖြစ်သည်ဟု သိရှိရသည်။

ယခင်က သီးသန့်ဘုန်းတော်ကြီးကျောင်းများ မရှိသည့်အတွက် ကရင်ဘုန်းတော် ကြီးများသည် အခက်အခဲအမျိုးမျိုးကို ရင်ဆိုင်ရပြီး ယခုကဲ့သို့ ဘုန်းတော်ကြီး ကျောင်း ဖွင့်လှစ်လာနိုင်သည့်အပေါ် အဆိုပါဘုန်းတော်ကြီးများအတွက် အဆင် ပြေလာစေမည်ဖြစ်သည်။

ထို့အပြင် ဗုဒ္ဓဘာသာဝင်ကရင်အမျိုးသားအတွက်လည်း အလှူအတန်း၊ သာရေး နာရေးကိစ္စများကို အဆိုပါ ဘုန်းတော်ကြီးကျောင်းတွင် ပြုလုပ်နိုင်တော့မည်ဖြစ် သည်။

သတင်း-အဲခေါင်သောင့်

ကရင်သွေး ဒီဗီဒီခွေ ထွက်ပြီး

ကရင်လူမျိုးများ မိမိကိုယ်ကို ကရင်မှန်းသိ ရှိကာ ကရင်အမျိုးသားများအတွင်း စည်းလုံး ညီညွတ်သည့် စိတ်ဓါတ်ဖြင့် သွေးသွေးချင်း စကားပြောတတ်ကြရန်၊ လွတ်လပ်ရေး အတွက် မှန်ကန်သော မျိုးချစ်စိတ်ဓါတ်ဖြင့် အတူတိုက်ပွဲဝင် သွားကြရန်နှင့် တော်လှန် ရေးပိုမိုကျစ်လျစ် ခိုင်မာလာစေရန် ရည်ရွယ် ရိုက်ကူးထားသည့် ကရင့်သွေး ဒီဗီဒီဇတ် လမ်း ထွက်ရှိနေပြီ ဖြစ်သည်။

ဤဇတ်လမ်းခွေကို ကရင်အမျိုးသားသွေး စည်းညီညွတ်ရေး ကော်မတီမှ စီစဉ်ထုတ် ဝေပြီး တခွေ ထိုင်းဘတ်ငွေ ၁၂၀နှင့် ၂၀၀ ဈေးနှုန်းဖြင့် ရောင်းချသွားမည် ဖြစ်သည်။ ကရင်လူငယ်မောင်နှမများ အနေဖြင့် မပြီးဆုံးသေးသည့် မိမိတို့၏ အမျိုးသား တော်လှန်ရေး တာဝန်များကို ဆက်လက် ပုခုံးပြောင်း တာဝန်ထမ်းဆောင်နိုင်ရန် စိတ်ဓါတ်ခွန်အား မြှင့်တင်ပေးရခြင်း ဖြစ်သည့်အတွက် ၀ယ်ယူအားပေးကြည့်ရှု ပါရန် တိုက်တွန်းအပ်ပါသည်။

ဝယ်ယူအားပေးလိုပါက
နော်လယ်လားခူထူး(+66 862078993)
စောဖိုးအဲ့(+66 862027738နှင့်
Po Box 22, Maesot,63110, Tak, Thailandမှတဆင့်လည်း ဆက်သွယ်ဝယ်ယူနိုင်ပါ ကြောင်း သတင်းကောင်းပါးအပ်ပါသည်။

ဖေဖော်ဝါရီလထုတ် ကရင်သတင်းစဉ်(KIC)၏ ကြော်ညာအစီအစဉ်မှ ကူးယူဖော်ပြသည်။
အဲခေါင်သောင့်

ရင်တွင်းဖြစ် စကားလုံးများ

ယခုဆယ်နှစ်အတွင်း အကွဲကွဲအပြဲပြဲဖြစ်နေတဲ့ ကရင်အမျိုးသားအားလုံးအတွက် သတိပြန်လည်
သက်ဝင်ကြစေရန် ဤဆောင်းပါးကို ရေးခြင်းဖြစ်ပါတယ်။ အကြောင်းအထူးအထွေတော့ မရှိဘူး။
အဲ...ဒီအထူးအထွေမဟုတ်တာကို အရေးကြီးနေတယ်။ မတီးမမြည် မပြောမဖြစ် ဆိုလို အမျိုးသားရေးတစ်ရပ်အနေနဲ့ ကရင်အမျိုးသားတစ်ရပ်လုံးပြန်လည်သင့်မြတ်ကြစေရန်
မေတ္တာကြီးမားစွာဖြင့်အသိပေးခြင်းလည်း ဖြစ်ပါတယ်။

တိုင်းပြည်တစ်ပြည်မှာ ပြည်သူတွေ အကျင့်စာရိတ္တမြင့်မားစေဖို့ အခြေခံစာပေ ပညာရေးနှင့်အခြေခံယဉ်ကျေးမှုတွေကို ဦးစာပေးရတယ်။ စီးပွားရေးကိုလည်း ရှေ့တန်းတင်ရတယ်။ နိုင်ငံရေးကိုလည်း သိထားသင့်တယ်။

ထိုနည်းတူ ကရင်လူမျိုးများမှာလည်း အဖွဲ့အစည်းအသီးသီးပေါ်ပေါက်လာတာကို တွေ့နေရပါတယ်။ မြောက်များစွာသော အဖွဲ့အစည်းတွေ ပေါ်ပေါက်လာကတော့ ကောင်းပါသည်။ပေါ်ပေါက်လာတဲ့ အဖွဲ့အစည်းများတွင် တာဝန်ရှိသူအားလုံးဟာ သူတစ်လူ ငါတစ်မင်းလုပ်မယ်ဆိုရင် ကောင်းကျိုးထက် ဆိုးကျိုးကိုသာ ဦးတည်သွားမှာ သေချာသည်။သို့သော်အဲဒီအဖွဲ့
အစည်းများကကော-ဘာတွေ အဓိကထားဆောင်ရွက်နေပါသလဲ။ ဒီမေးခွန်းရဲ့အဖြေကိုတော့ တာဝန်ရှိသူအားလုံး
ငါ -ဘာအဓိကထားလုပ်ဆောင်နေသလဲဆိုတာကိုသိရှိလောက်မယ်ထင်ပါတယ်။ ကိုယ်လုပ်တဲ့အလုပ်ကို ကိုယ့်ကိုယ်တိုင်တောင် မသိဘူးဆိုရင်= မေထုန်မှီ အိပ်စားလို့ ယောက်ျားနဲ့ နွားမှာ သိပညာ တစ်ခုပိုသာ = ဆိုတဲ့ လယ်တီဆရာတော်ရဲ့ဆုံးမစကားနဲ့ အသိပေးလိုက်ပါတယ်။

တကယ်တော့ ကရင်အဖွဲ့အစည်းအသီးသီးဟာ အဓိကထားလုပ်ဆောင်ရမှာက ပညာရေး၊ စီးပွားရေး၊ ယဉ်ကျေးမှုစတဲ့ လူအခြေခံအုတ်မြစ်တွေကို အားပတကုတ်ကြိုးစားဆောင်ရွက်သင့်ပါတယ်။ ဒါကိုလည်း မိမိတို့မှာ မတူညီတဲ့ (theory) သဘောတရားတွေ၊ မတူညီတဲ့ (view) အမြင်များကို ဘေးချိတ်ကာ၊ ဘာသာရေးအစွန်းရောက်မှုများကို မရောသင့်ပါ။ ဘာသာရေးအသီးသီးမှာလည်း သင့်မြတ်တဲ့ society, community လူဘောင်လူ့လောက၊ လူမှုအကျိုးများဖို့ သွန်းသင်
ဆုံးမကြတာပဲရှိတယ်။ ဒီအချက်ကို အခုကျွန်တော့တို့ ကရင်လူထုတစ်ရပ်လုံး သတိထားရမယ့်အချက်တစ်ချက် ဖြစ်ပါတယ်။ ရန်သူများဟာ မိမိတို့ရဲ့အားနည်းချက်များကို ရှာဖွေပြီး မိမိတို့အားနည်းအောင်၊ ပြိုကွဲအောင် လုပ်ဆောင်နေတယ်ဆိုတာ ကရင်အဖွဲ့အစည်းအသီးသီးမှ ခေါင်းဆောင်များနှင့် အဖွဲ့ဝင်များအားလုံး နားလည်ကြစေချင်ပါတယ်။ ဒါကို ငါက Buddhism ပဲ။ ငါကChristianity ပဲဆိုပြီး အယူသည်းစွာ ဆက်လက်ကိုင်စွဲထားမယ်ဆိုရင် ရန်သူရဲ့သားကောင်အဖြစ်
ဖြစ်မှန်းမသိ ဖြစ်ရမှာ သေချာတယ်။ အဓိကကတော့ humman right အခွင့်အရေးကို ချိန်ခွင်လွှာ
ညီမျှစွာ နားလည်ပြီး ဝေငှတတ်ဖို့ပါပဲ။ ဥပမာ ကျွန်တော်တို့ KNU အစ်ိတ်စိတ်အမွှာမွှာပြိုကွဲရတာဟာ
နအဖရဲ့သွေးထိုးလုပ်ဆောင်မှုဖြစ်သလို Buddhismနှင့် Christianity အားပြိုင်မှုရဲ့ ဆိုးကျိုးတစ်ခု
ဖြစ်တယ်။ ပြီးတော့ humman right အခွင့်အရေးကို ချိန်ခွင်လွှာညီမျှစွာ အသုံးမချတတ်တဲ့အ
တွက်ကြောင့်လဲဖြစ်တယ်။

ဒါတွေကို တာဝန်ခေါင်းဆောင်များ အနေနဲ့ ကိုယ်နောက်လိုက်ငယ်သားများကို ဘာသာရေးများအစွန်းမရောက်သင့်ပုံကို techniquel နည်းနိသျှည်းကျကျ ညွန်ပြစေချင်ပါတယ်။ ဘာသာရေးအစွန်းသမားမျာကြောင့် အရှေ့အလယ်ပိုင်း
နိုင်ငံရှိ ပြည်သူများ နေ့စဉ်ဆိုသလို သေရှုံးရပုံများကိုInternational News Website မှတဆင့် အမြဲတန်းကြား
သိနေရပါတယ်။

ဒီအချက်ကို စာရေးသူအနေနဲ့ ဆွေးနွေးရခြင်းသည် ကရင်အဖွဲ့အစည်းများ အစိတ်စိတ်အမွှာမွှာဖြစ်ရခြင်းသည်လည်း Religion ဘာသာရေးအစွဲတွေကြောင့်လို့ အများက ယူဆနေကြခြင်းကြောင့်ဖြစ်ပါတယ်။ ဒါကြောင့် ထိုအယူအဆများ
မှန်ခဲ့မယ်ဆိုရင် ပြင်သင့်တာတွေ အချိန်မှီပြင်နိုင်ဖို့=ပျက်အစဉ် ပြင်ခဏ=ဆိုတဲ့ အတိုင်း အဲဒီ main အချက်ကို ဖာထေးလိုက်ရင် ယိုပေါက်ကသက်သာမှာ သေချာတယ်။ ကျွန်တော်အနေနဲ့ ကိုယ်အယူသည်းမှုတစ်ခုကြောင့် လူမျိုးပျောက်ကွယ်ရမည့်အဖြစ်မျိုး မရောက်စေချင်ပါ။ ဒါကိုလည်း အမှား/အမှန်ကို လွပ်လပ်စွာ ကိုယ်ပိုင်ရွေးချယ်ခွင့်ရှိပါတယ်။

အခုချိန် ကရင်ပြည်နယ်တွင် ဆက်လက်ဖြစ်ပေါ်လျှက်ရှိသော အခြေအနေများသည်generationမျိုးဆက်သစ်
များအတွက် အထူးစိုးရိမ်စရာကောင်းပါတယ်။ နိုင်ငံတော်အစိုးက နယ်စပ်ဒေသများဖွံ့ဖြိုးတိုးတက်အောင်လုပ်ဆောင်
ပေးနေတယ်လို့ မည်သို့ပင်အော်ဟစ်နေစေကာမူ ရုပ်ပိုင်းဆိုင်ရာတိုးတက် အနည်းငယ်မျှ ရှိနေတာကလွဲရင် အခြား section အပိုင်းမှာတော့ ဘာကိုဘာမှ တိုးတက်လာမှုမရှိဘူးဆိုတာ ကျွန်တော်ကရင်ပြည်နယ်သား တစ်ယောက်အနေနဲ့ ရဲရဲပြောနိုင်တယ်။ အထူးအားဖြင့်education section ပေါ့ဗျာ။ မြို့တွင် နေထိုင်တဲ့ လူငယ်အနည်းစုသာ ပညာသင်ကြားကြပြီး countrysite ကျေးလက်တောရွာပိုင်းရှိ လူငယ်အများစုဟာ မူလတန်းပြီးရင် ဆက်လက်ပညာမသင်ကြားနိုင်တော့ပါဘူး။ ကရင်အများစုက ကယ်တင်ရှင်နိုင်ငံလို့ ယူဆတဲ့ ထိုင်းနိုင်ငံသို့သာ ဆက်လက်ထွက်ခွါကြရတယ်။ ကရင်ပြည်နယ်ရှိ အိမ်တိုင်းမှာ တစ်ဦးစီအနည်းဆုံး ထိုင်းနိုင်ငံသို့ စား၊ ၀တ် နေရေး အဆင်
ပြေစေဖို့ သွားရောက်လုပ်ကိုင်ရပါတယ်။ တနည်းအားဖြင့် ပြောရရင် ကရင်လူငယ်များ ပျက်စီးဖို့အစပျိုးပေးသလို ဖြစ်နေတယ်။ ဘာကြောင့်လဲဆိုတော့ ထိုင်းနိုင်ငံဟာ ကမ္ဘာမှာ ဇိမ်ခံခံစရာနေရာအများဆုံးနှင့် ကူးစက်ရောဂါအများဆုံး ဖြစ်ပွားတဲ့ နိုင်ငံတစ်ခုဖြစ်ပါတယ်။

ဒါပေမယ့် အိမ်နီးချင်းထိုင်းနိုင်ငံသာ မရှိဘူးဆိုရင် ကရင်ပြည်နယ်သာများကြမ္မဟာလည်း ထိုထက်ပင်မတွေးဝံ့စရာပင်။ ၀င်ငွေမရှိတာသာမက အဖွဲ့အစည်းအသီးအသီးမှ ပေါ်တြာေ ကး၊ ဆက်ကြေးတွေဟာလည်း ခေါင်ခိုက်အောင်ပေးဆောင်
နေရသည်။ ကျွန်တော်ပြောတာကိုသံသယရှိနေသူများသည်လည်း ကရင်ပြည်နယ် တောလက်ကျေးရွာများသို့ ကွင်းဆင်းလေ့လာနိုင်ပါသည်။

ဒါကြောင့် ဒီအခက်အခဲကြားထဲမှာ ကရင်ပြည်သူတစ်ရပ်လုံး ဘယ်လိုရုံးထွက်ကြမလဲ။ ကရင်အဖွဲ့အစည်းအားလုံးကို မေတ္တာရှေ့ထားပြီး ပြောပါရစေ....argent performance အဖွဲ့အစည်းအသီးသီး အဓိကဆောင်ရွက်သင့်တာက education section ပညာရေးအပိုင်းဖြစ်ပါတယ်။ ထိုနောက်မှစီးပွားရေး၊ ယဉ်ကျေးမှု စတဲ့ လူအခြေခံအုတ်မြစ် ဆောင်ရွက်သင့်ပါတယ်။ နောက်ပြီး တစ်ခုစဉ်းစားသင့်တာက မိမိတို့ အဖွဲ့အစည်းတွေဟာ မိမိတို့မိသားစုအရေးလား၊ တစ်မျိုးသားလုံးကိုယ်စားပြုတဲ့အဖွဲ့အစည်းလား။ ဒါတွေကို ထည့်သွင်းစဉ်းစားကြစေချင်ပါတယ်။ မိမိအနေနဲ့ တိုက်ပေါ်မှာနေ၊ကားအကောင်းစားတွေစီးပြီး ကျန်တဲ့သူတွေ ငတ်ပြတ်နေတာ သိလျှက်နဲ့ မသိဟန်ဆောင်နေတာလား။
မိမိတို့ဟာ =ခေါ်ရင်လာတယ်၊ ခိုင်းရင်လုပ်တယ်၊ ခံမပြောဘူး= ဒီလိုဘဲ အစေခံဘ၀နဲ့ စခန်းသွားတော့မှာလား။ ကိုယ်ပိုင်စဉ်းစားဆုံးဖြတ်ပိုင်ခွင့် မရှိတော့ဘူးလား။ သူများခိုင်းသမျှ လုပ်မယ်ဆိုရင်ကမ္ဘာမှာ မိမိတို့လောက် မိုက်တဲ့သူ မရှိတော့ဘူးထင်တယ်။

ခေတ်အဆက်ဆက်မှာ ကရင်ဟာရိုးသားတယ်၊ စည်းလုံးတယ်၊ မဟုတ်ရင်မခံ အစဉ်အလာရှိခဲ့တယ်။အခုမိမိတို့ခေတ် ရောက်တော့မှ =ရိုးသားမှုကို ရိုးအမှုတွေဖြစ်၊ စည်းလုံးမှုကို ပြိုကွဲမှုတွေဖြစ်၊ မဟုတ်မခံကို မဟုတ်ရင်လည်း ခံနေရတဲ့အဖြစ်သို့ ဆိုက်ရောက်နေတယ်။ သမိုင်းမှာ အမဲ (မည်း) စက်တွေကျန်နေခဲ့ပြီ။ အဲဒီအမဲစက်ကို ဖျက်ပစ်ဖို့ မိမိတို့တာဝန် အပြည့်ရှိတယ်ဆိုတာ သိကြရဲ့လား။ မိမိတို့အချင်းချင်းကြောင့် (၁၀)နှစ်ကျော်ကာလ သေသွားတဲ့သူတွေလည်း မနည်းတော့ဘူး။ နောင်တတရားတွေရသင့်ကြပြီ။ နောင်တမရဘဲ ဆက်ပြီး မိမိတို့အချင်းချင်းတစ်ဦးနဲ့တစ်ဦးတိုက်နေကြမယ်ဆိုရင် ကရင်ပြည်သူတွေအတွက် လွတ်လပ်ရေးကို မပြောနဲ့ ရှိရင်းစွဲလူမျိုးကိုပါ ပျောက်သွားမယ်။

အဲသလို မိမိတို့အချင်းချင်း ဆက်တိုက်မယ့်အစား သင့်မြတ်တဲ့နည်းလမ်းကို ရှာကြံပြီး ပြန်လည်တွေ့ဆုံဆွေးနွေးကြရင် မကောင်းဘူးလား။ လျှော့သင့်တာတွေလျှော့၊ တင်းသင့်တာတွေကိုတင်း၊ နားလည်မှုတွေ ရယူကြ၊နားလည်းခွင့်လွတ်ခြင်းနဲ့ ငြိမ်းချမ်းရေးပန်းတိုင် လျှောက်လှမ်းစေချင်တယ်။အခုတော့ကရင်ပြည်သူလွတ်လပ်ရေးအတွက်ဆိုသေး...ကိုယ့်အချင်းချင်း
ပြန်တိုက်နေရတယ်ဆိုတော့ စဉ်းလည်းစဉ်းစားကြပါအုံး တာဝန်ရှိသူတို့ရေ....။ ဗိုလ်ချုပ်ထိန်မောင်ရဲ့ ငြိမ်းချမ်းရေးကောင်စီမှ KNU မိခင်တပ်ရင်းသို့ပြန်လည်ရောက်ရှိလာသော ဒု-ဗိုလ်မှူးစောဂေထူးရဲ့ ရင်ဖွင့်သံများကိုလည်း ကရင်ပြည်းသူများ
ကြားသိနိုင်ကြပါစေ။

ဒီခေတ်ဒီအချိန်မှာ ကရင်လူမျိုးတွေ အောက်ကျနောက်ကျတဲ့အဆင့် ရောက်မှန်းမသိ ရောက်နေရတယ်ဆိုတာ တာဝန်ရှိသူများ သတိထားမိရဲ့လား။ နောက်ပြီး refugee လို့ လူသိများတဲ့ ဒုက္ခသည်စခန်းမှနေပြီး တတိယနိုင်ငံများသို့ ရောက်ရရုံလောက်နဲ့ ကိုယ့်ကရင်များ ဟုတ်လှပြီးလို့ လက်မမထောင်လိုက်ပါနဲ့။ ရေသောက်မြစ်က မခိုင်မာဘူးဆိုရင် အကိုင်းအခက်များ ဘယ်တော့မှ ရှည်ကြာတည်တံ့မှာမဟုတ်ဘူး။ ရှိနှင့်ပြီးသား မိခင်ရင်း ကရင်ပြည်သူများအတွက် မြန်မာနိုင်ငံမှာသာမက အခြားနေရာများနှင့် တပြေးညီ လိုက်နိုင်အောင် ဘယ်လိုကြိုးစားရင် ကောင်းမလဲ နည်းလမ်းများရှာကြံသင့်ပြီ။

ဒါမှမဟုတ် ကိုယ့်ကို ဗိုလ်ကြီး၊ ဗိုလ်မှူးဆိုပြီး ကားလေးတ၀ီဝီနဲ့ မူးယစ်သောက်စား၊ လောင်းကစားနဲ့သာအချိန်ကုန်နေမယ်ဆိုရင်
= ခွင့်သာခိုက်မှ မလိုက်ချင်လျှင် အမိုက်နဲ့ပြင်ရှိသေးလေလိမ့်လား
။
ဘယ်မှာလဲ ကရင့်သိက္ခာ၊ ကိုယ့်လူမျိုးမျက်နှာကိုမှ မထောက်၊ ရိုင်းကားဖို့ပဲ သိတယ်။ အဲဒါလား မျိုးချစ်စိတ်ဓာတ်။
မျိုးချစ်စိတ်ဓာတ်ဆိုသည်မှာ အများကောင်းစားရေးအတွက် ဆောင်ရွက်သော အမွန်မြတ်ဆုံး အကြောင်းတရားတွေဖြစ်ပါတယ်။


အခုတစ်ချို့အဖွဲ့အစည်းများ လုပ်နေတာ အများကောင်းစားဖို့ မပြောနဲ့ မိမိလူမျိုးမကောင်းစားသည့်အပြင် အချင်းချင်းလက်
ချက်နဲ့ အသက်စတေးရတာ မနည်းလှတော့ပါ။ ဒါဟာ အမျိုးသားရေးအတွက်ပေးဆပ်တယ်လို့ ပြောလို့ရမလာား။ ကိုယ့်ကိုယ် အမျိုးသားရေးပေးဆပ်မှုပါလို့ ခံယူပေမယ့် ကရင်အမျိုးသာထုကတော့ ဘယ်တော့မှ အသိအမှတ်ပြုမှာ မဟုတ်ဘူး။ မိုက်မဲတဲ့လုပ်ရပ်၊ ပညာမရှိသူတွေရဲ့လုပ်ရပ်များသာ သတ်မှတ်ကြပါလိမ့်မယ်။

နောက်ဆုံးအနေဖြင့် ကျွန်တော်ရဲ့ဆောင်းပါးကို ဖတ်ရှုလိုက်ရတဲ့ ကရင်ပြည်သူအားလုံး မိမိရဲ့မှားယွင်းသောလုပ်ဆောင်ချက်
တွေကို လိမ္မာပါးနပ်သောအသိညာဏ်ဖြင့် replace အစားထိုးနိုင်ပါစေ။ သူတစ်ပါးရဲ့ လှည့်ဖြားမှုများကိုလည်း မိမိ knowledge ပင်ကိုယ်ညာဏ်ဖြင့် ဆင်ခြင်နိုင်ကြပါစေ။ ဘယ်သူသေသေ ငတေမာရင် ပြီးတာပဲ-ဆိုတဲ့အတိုင်း ဆက်ပြီး
မမိုက်ကြဖို့ မေတ္တာရှေ့ထားကာ ကရင်လူထုတစ်ရပ်လုံးကိုယ်စား ပြောပါရစေ။

သို့မဟုတ်ရင် ကိုယ့်အချင်းချင်းကြောင့် ကရင်လူမျိုးတွေဟာ ကမ္ဘာမြေပြင်မှ ဒိုင်နိုစောလို စောစီးစွာ မျိုးတုံးပြီးပြတိုက်ထဲ
မှာသာ လူတကာကြားဖူးတဲ့ ဘ၀မျိုး ရောက်ရှိသွားပါလိမ့်မယ်။ ကရင်လူမျိုးများဒိုင်နိုစောလို စောစီးစွာ မျိုးမတုံးရလေ
အောင်.....ဤဆောင်းပါးဖြင့် အသိပေးရင်း......

ကရင်စည်းလုံးညီညွတ်မှုကို လိုလားတဲ့

စောလင်းနက်စ်

ဗိုလ်ချုပ်မြသားငယ် ဗိုလ်ထိန်မောင်နှင့် ပူးပေါင်း

ကွယ်လွန်သွားခဲ့ပြီဖြစ်သည့် ကေအဲန်ယူခေါင်းဆောင်ဟောင်း ဗိုလ်ချုပ်ကြီး စောဘိုမြ၏ သားငယ် မောင်တေးလေး(ခေါ်) ဗိုလ်ကြီး စောနေစိုးမြသည် ထော့ကိုကိုးအခြေချ ကေအဲန်အယ်လ်အေ ငြိမ်းချမ်းရေးကောင်စီ ခေါင်းဆောင် ဗိုလ်ချုပ်ထိန်မောင်အဖွဲ့နှင့် သွားရောက် ပူးပေါင်းသွားသည်ဟု သိရှိရသည်။

ထိုသို့ သွားရောက်ပူးပေါင်းသွားသည့်အပေါ် ကေအဲန်ယူအသိုင်းအ၀ိုင်းက ဟုတ်မှန်ကြောင်း အတည်ပြုပြောဆိုသည်။ ၄င်းသည် ဗိုလ်ချုပ်ထိန်မောင်၏ တူအရင်းတော်စပ်သူတဦးဖြစ်သည်။
ဗိုလ်ကြီးစောနေစိုးမြသည် ဒီဇင်ဘာလ ၁၂ရက်နေ့က ကေအဲန်ယူဗဟို ခွင့်ပြုချက် တစုံတရာမရပဲ နေပြည်တော်သို့သွားရောက်ကာ နအဖနှင့် တွေ့ဆုံခဲ့ပြီး ထိုသို့ တရားမ၀င်တွေ့ဆုံခဲ့သည့်အတွက် ကေအဲန်ယူက ၄င်းအား ထုတ်ပယ်ခဲ့ရ သည့်သူတဦးလည်း ဖြစ်သည်။

တော်လှန်ရေးကို သက်ဆုံးတိုင်ဦးစီးဆောင်ရွက်ခဲ့သည့် ဗိုလ်ချုပ်ကြီးစောဘိုမြ မျိုးရိုးတွင် ပထမဦးဆုံး ရန်သူ့ထံ ဒူးထောက်အညံ့ခံ သွားခဲ့သူတဦးဖြစ်ပြီး ဖခင် လက်နှင့်ရေးသည့် တော်လှန်ရေးသမိုင်းကို ခြေနှင့်ဖျက်သည့် သားဆိုး တဦးအဖြစ် ကရင့်သမိုင်း မျက်နှာစာတွင် မှတ်တမ်းတင်ရမည် ဖြစ်သည်။

ကျော်အဲခေါင်သောင့်

မြန်မာစစ်တပ်ရဲ့ နှိမ့်စက်မှုကြောင့် တောထဲတွင် ပြေးလွား ပုန်းအောင်းနေရသည့် ကရင်ဒုက္ခသည်တချို့ပုံရိပ်

မြန်မာစစ်တပ်ရဲ့ လူစိတ်ကင်းမဲ့တဲ့လုပ်ရပ်ကြောင့် အိမ်လည်း ပြာကျ၊ ရွာလည်းပြာ ကျ၊ စပါးကျီလည်း ပြာကျအပြီး အခုလိုပြေးလွားပုန်းအောင်နေရတဲ့ အဖွားအိုတဦးပုံ။
အခြားပုံများကို ကြည့်ရင် ဆက်ဖတ်ရန်ကို နှိမ့်ပါ။

မွေးကင်းစ ကလေးငယ်တဦးနဲ့ သူ့မိခင်ဟာလည်း မြန်မာစစ်တပ်ရဲ့ရန်ကို အခုလို ပုန်းအောင်းရှောင်ရှားနေရတဲ့ပုံ။

လူစိတ်ကင်းမဲ့စွာပဲ အိမ်တွေကို မီးတင်းရှို့ထားတဲ့ပုံ။

ထမင်းတမျိုးထဲကိုတောင်မှ နပ်မှန်အောင် စားရတာ မဟုတ်ပါဘူး။

ပုလိုင်းထဲမှာနေ ပုလိုင်းထဲမှာအိပ် ပုလိုင်းထဲမှာပဲ စားနေရတဲ့ အပြစ်မဲ့ ရင်သွေးငယ်လေးတဦးပုံ။

မြန်မာစစ်တပ်ရဲ့ လူမဆန်တဲ့ လုပ်ရပ်ပုံ။

ဦးတည်ရာမဲ့ အခုလို ပြေးလွားပုန်းအောင်နေရပုံ။

ကရင်လူမျိုးများနှင့် ရှေးဦးသမိုင်းအကျဉ်း

ထီ့ဆေ့မေ့ယွား ခေါ် ထီးဆဲ့မဲ့ယွားလူမျိုးတိုင်းသည် မိမိတို့၏သမိုင်းကို သားစဉ်မြေးဆက်လက်ဆင့်ကမ်းသယ်ပိုးခဲ့ကြ၏။ သို့ဖြစ်၍ သမိုင်းဟူသည် ဖောာက်ဖျက်၍ ရနိုင်ကောင်းသော အရာမဟုတ်ပေ။ပုဂံရာဇ၀င်ကို တုတ်ထမ်းပြောရတယ် ဟု အဆိုရှိလျှင် ပုဂံရာဇ၀င်ထက် ရှေးကျသည့် ကျွန်ုပ်တို့ ကရင်တိုင်းရင်းသာတို့၏ ရှေးဦးသမိုင်းကို ပြန်ပြောင်းပြောရာတွင် သုတေသီတို့ အငြင်းပွားဖွယ်ရာရှိပါက အံ့သြစရာမဟုတ်ပေ။ကျွန်ုပ်တို့ ကရင်တိုင်းရင်းသားတို့သည် ရှေးကပင် လူကြီးမိဘများ၏ ဆုံးမစကားကို တရိုတသေမှတ်သားလိုက်နာတတ်ပြီး နောင်လာနောင်သားများအား ပြန်လည်သွန်သင်ဆုံးမခြင်းဖြင့် သမိုင်းအထောက်အထားများကို ခိုင်ခိုင်လုံလုံ ထိန်းသိမ်းလာ နိုင်ခဲ့သည်။ ယင်းသမိုင်းအထောက်အထားများအနက် ထီ့ဆေံမေ့ယွားခေါ် ထီးဆဲ့မဲ့ယွား ဒေသသည် ကရင်လူမျိုးတို့ တစ်ချိန်က အခြေချနေထိုင်ခဲ့သော နေရာဒေသဖြစ်ကြောင်းကို အများကကြားဖူးပြီးဖြစ်သော်လည်း ယင်း ထီ့ဆဲ့မဲ့ယွား ဒေသသည် မည်သည့်တိုင်းပြည်ဒေသ တွင် ရှိသည်ကို မှန်းဆမရနိုင်သူ များလှသည်။ထီ့ဆဲ့မဲ့ယွား ဟူသည် ရေစီးရာတွင် သဲတို့ မျောပါနေသော ဖြစ်ချောင်းဒေသ ဟု အဓိပ္ပါယ်ရသည်။ ယင်းဒေသကို မနုဿပထ၀ီဗေဒနှင့် သမိုင်းပညာရပ်များစသည်တို့ဖြင့် သိပ္ပံနည်းကျ လေ့လာရှာဖွေပါက တရုတ်ပြည်တောင်ပိုင်း တစ်နေရာတွင် လွန်ခဲ့သောနှစ်ပေါင်း (၃၅၀၀)လောက်က တည်ရှိခဲ့သော အိုအေစစ် ယဉ်ကျေးမှု ပုံသဏ္ဍာန်ဖြစ်ပြီး၊ မြစ်ကြောင်းတစ်လျှောက် စိုက်ပျိုး မွေးဖြူရေး အသင့်အတင့်လုပ်ကိုင်၍ အခြေချနေထိုင်ပြီး မိသားစု အိမ်ထောင်စုတို့ စုပေါင်းနေထိုင်ကြသည့် ဒေသဖြစ်သည်။ထိုဒေသတွင် ကရင်ရှေးဦးလူတို့သည် ရာစုနှစ်တစ်ဝက်ကျော် နေထိုင်ခဲ့ဟန်ရှိပြီး နောက်ပိုင်းတွင် မြစ်ချောင်းများတိမ်ကောမှုနှင့် မိုးရေလျှံမှုတို့ကြောင့် စိုက်ပျိုးခင်းများ လူနေအိမ်များပျက်ဆီးခဲ့ရပြီး တိုးပွားလာသော လူဦးရေအတွက် ထောက်ပံ့နိုင်သည့် အခြေအနေမရှိတော့သဖြင့် နေရာအသစ်ရှာဖွေရန် အုပ်စုခွဲပြီး တောင်ဘက်အရပ်များသို့ ရွှေ့ပြောင်းလာကြရာ ယနေ့အရှေ့တောင်အာရှဒေသအနှံ့ ပြန့်ကျဲနေထိုင်ကြသော ကရင်လူမျိုးစုများကို တွေ့ရခြင်းဖြစ်သည်။မို့ထိတ် ဖထိတ် ခေါ် မိုးထိ ပါးထိကရင်ရှေးဦးလူမျိုးတို့သည် အရှေ့တောင်အာရှဒေသအနှံ့ အစုစုပျံ့နှံ့ နေထိုင်ကြသော်လည်း ထီဆေ့မေ့ယွားဒေသမှ ထွက်လာစဉ်က အားလုံးတစ်ချိန်တည်း ထွက်လာကြသည်မဟုတ်ပဲ အနည်းဆုံး အုပ်စုကြီး နှစ်စု ထွက်လာကြသည်မှာ ထင်ရှားပါသည်။ ယင်းအုပ်စုနှစ်စုအနက် ရှေးဦးစွာ ထွက်လာကြသူများမှာ ဖခင်များ သို့မဟုတ် အကြားအမြင်ဗဟုသုတရှိပြီး အသက်ကြီးသော ယောက်ျားများဦးဆောင်ပြုသော အုပ်စုဖြစ်ပြီး ကောင်းမွန်သောဒေသအသစ်တွေ့ရှိပါက ကျန်ခဲ့သော မိသားစုများကို ပြန်ခေါ်ရန် ရည်ရွယ်ချက်ဖြင့် ထွက်လာကြပြီး ယင်းအုပ်စုတွင် လိုက်ပါသွားသူများကို နောင်ကာလတွင် ဖထိတ် သို့မဟုတ် ပါထိ ခေါ် ဖခင်အနွယ်ကရင်မျိုးနွယ်စုများဟု ခေါ်တွင်လာခဲ့သည်။ ကျန်ခဲ့သော မိသားစုများတွင် အတွေ့ကြုံပြည့်စုံသော မိခင်များ သို့မဟုတ် အမျိုးသမီးကြီးများက စီမံကွပ်ကဲ၍ ထိုဒေသမှ ထွက်ခွာသောကြသော မိသားစုများ သည် တစ်နေ့တွင် ပြန်လာခေါ်မည်ဟု မျှော်လင့်ချက်ဖြင့် ထီ့ဆေ့မေ့ယွား ဒေသတွင် နေထိုင်လာခဲ့ရာ နှစ်ပေါင်းကြာမြင့်လာသောအခါ သဘာဝဘေးရန်များနှင့် နောက်ထပ်ရွှေ့ပြောင်းလာကြသော အခြားလူမျိုးစုများရန်ကြောင့် ရှေးကထွက်ခွာသွားသော အုပ်စုနောက်သို့ ရှာဖွေလိုက်လာခဲ့ပြီး ယင်းတို့ကို ထီ့ဆေ့မေ့ယွားမှ မို့ထိတ် သို့မဟုတ် မိုးထိ ခေါ် မိခင်အနွယ်ဝင် ကရင်လူမျိုးများ ဖြစ်လာကြသည်ဟု သမိုင်းပညာရှင် အများစုက လက်ခံယုံကြည်ထားကြသည်။ဖထိတ်ခေါ် စကောကရင်အုပ်စုသည် မဲခေါင်မြစ်ကြောင်း သံလွင်မြစ်ကြောင်းများကို အဓိကအသုံးပြုပြီး တောင်ဘက်သို့ ရွှေ့ပြောင်းလာကြရာ ယနေ့တိုင် ယိုးဒယားပြည်၊ မြန်မာပြည်၊ ကမ္ဘောဒီးယားနှင့် ဗီယနမ်တောင်ပိုင်း၊ မလေးရှားမြောက်ပိုင်းဒေသများသို့တိုင်အောင် တောင်ပေါ်မြေပြန့်အနှံ့ နေထိုင်ကြသည်ကို တွေ့နိုင်ပါသည်။မို့ထိတ် ခေါ် ပိုးကရင်အုပ်စုသည် ဧရာဝတီမြစ်ကြောင်းတို့ကို အထူးသဖြင့် အသုံးပြုပြီး ဆင်းသက်လာခဲ့ကြရာ မြန်မာပြည်ဖြစ်ဝကျွန်းပေါ်ဒေသနှင့် ကရင်ပြည်နယ်ဒေသများတွင်လည်းကောင်း၊ ယိုးဒယားပြည်အနောက်ဘက်ခြမ်းဒေသများတွင် လည်းကောင်း ပျံ့နှံ့နေထိုင်သည်ကို တွေ့ရပေမည်။ကရင်သက္ကရာဇ်ရေတွက်ခြင်းဒုတိယအသုတ်ဖြစ်သော မို့ထိတ်ခေါ် ပိုးကရင်အနွယ်ဝင်တို့သည် ခမ(၇၃၉) နှစ်လောက်တွင် ပြည်ထောင်စုထဲသို့ စတင်ဝင်ရောက်လာပြီး ထိုကာလမှစ၍ ကျွန်ုပ်တို့ကရင်အမျိုးသာ သက္ကရာဇ်ကို သုတေသီတို့ရေတွက်၍ ယခုနှစ်ဆိုလျှင် ၂၇၄၈-ခုနှစ်သို့ ရောက်လာခဲ့ပါပြီ။သို့ဖြစ်၍ ယနေ့ ကျွန်ုပ်တို့ပြည်ထောင်စုအတွင်း ပြန်လည်ဆုံစည်းကြသော ဖခင်အနွယ်ဝင် စကောကရင် အုပ်စုနှင့် မိခင်အနွယ်ဝင် ပိုးကရင် အုပ်စုတို့မှာ တစ်ချိန်က ထီ့ဆေံမေ့ယွားတွင် တစ်ရွာတည်း သို့မဟုတ် တစ်အိမ်ထောင်စုတည်းနေထိုင်ခဲ့ကြသော မိဘများမှ တစ်မျိုးတည်း တစ်ခုတည်းသော သွေးရင်းသားရင်းညီအစ်ကိုများဖြစ်ကြောင်းကို ကရင်လူကြီးများက ဆုံးမပြောကြားခဲ့သော ပုံပြင်များ၊ ဆုံးမစကားများ၊ စကားပုံများအရ မှန်ကန်ကြောင်း ငြင်းဆိုစရာမရှိသည့်အပြင် ယင်းသမိုင်းစဉ်ကို ပိုမိုခိုင်လုံစေသည့် သမိုင်းအထောက်အထား များက ယနေ့အရှေ့တောင်အာရှဒေသရှိလူမျိုးစုများ၏သမိုင်းကို လေ့လာခြင်းအားဖြင့် ယင်းတို့အနက် ကျွန်ုပ်တို့ ကရင်လူမျိုးစုများ၏ အတိတ်သမိုင်းကြောင်းကိုလည်း မှန်ကန်စွာ လေ့လာတွေ့ရှိနိုင်ပါသည်။ကရင်ဟု ခေါ်တွင်ခြင်းကရင်လူမျိုးစုများကို ပညာရှင်များက ထိုင်းတရုတ်အနွယ်ဝင်များဟု မှတ်တမ်းတင်ကြသည်။ ပညာရှင်တို့၏ တင်ပြချက်အရ လူတို့၏ ဦးခေါင်းခွံအနေအထားနှင့် နှာခေါင်းအနေအထားအရလည်းကောင်း၊ စကားဝေါဟာရ ဘာသာဗေဒအရလည်းကောင်း သတ်မှန်ခေါ်တွင်ခြင်းဖြစ်သော်လည်း ကရင်လူမျိုးစုများမှာ ထိုင်း တရုတ် အုပ်စုများကဲ့သို့ပင် မွန်ဂိုအနွယ်ဝင်များဖြစ်ကြသည်။အရှေ့တောင်အာရှရှိ လူမျိုးအတော်များများက ယန် ဟု ခေါ်ကြပြီး၊ မြန်မာလူမျိုးများက ကရင်ဟုခေါ်ကြသည်။ ကရင်ဟူသော အခေါ်ကို မည်သည့်အချိန်ကစပြီး ခေါ်ကြသည်ကို အတိအကျတင်ပြရန် ခက်ခဲသော်လည်း ယင်းအခေါ်သည် အင်းဝခေတ်မတိုင်မီ စတင်ခေါ်ထွင် ခဲ့ဟန်ရှိသည်။ မြန်မာလူမျိုးတို့၏ အယူအဆအရ ကရင်လူမျိုးများကို ရှမ်းလူမျိုး(၃၀)တွင် ထည့်သွင်း၍ မှတ်တမ်းတင်ခဲ့ရာ ကွေ့ရှမ်းလူမျိုးများကိုလည်းကောင်း ဂျွမ်းလူများကိုလည်း ကောင်း၊ ကရင်လူမျိုးများဟု ဒေသတစ်လျှောက် ခေါ်တွင်ကြခဲ့သည်ဟု သမိုင်းပညာရှင်အချို့ က ယူဆကြသည်။အချို့ပညာရှင်များက တစ်ချိန်က ဧရာဝတီမြစ်ကမ်းတွင် နေထိုင်ခဲ့ဖူးသော ကမ်းယံလူမျိုးမှားမှ ကရင်လူမျိုးများဖြစ်လာသည်ဟူ၍လည်းကောင်း၊ ပျူလူမျိုးများအား ယနေ့ ပိုးကရင်ဖြစ်လာသည်ဟူ၍လည်းကောင်း ယူဆကြသည်။ယနေ့ရခိုင်ပြည်နယ်ဒေသတစ်ချို့တွင် ကမ်းယံ လူမျိုးအနည်းငယ်ကို တွေ့နိုင်ရာ ယင်းတို့မှာ ကရင်လူမျိုးမှားနှင့်မတူကြောင်းကိုလည်းကောင်း၊ ပျူလူမျိုးများသည် ပျောက်ကွယ်သွားပြီဟု သမိုင်းပညာရှင်အချို့က ယူဆကြသော်လည်း အမှန်မှာ ယနေ့တိုင်အောင် ပျူလူမျိုးတို့၏ အဆက်အနွယ်ကို ပဲခူးတိုင်းအနောက်ဖက်ခြမ်းနှင့် ပြည်မြို့တစ်ဖက်တွင် အနှံ့အပြားတွေ့ရှိနိုင် ပါသည်။ သို့ရာတွင် ထိုသူတို့အားလုံးမှာ သူတို့ကိုယ်တိုင် မြန်မာလူမျိုးများဟု ယုံကြည်ကြပြီး မြန်မာလူမျိုးများအသွင်သို့ လုံးဝပြောင်းလဲသွားခြင်းသာဖြစ်သည်။ သို့သော် မြန်မာစစ်စစ်များ နှင့် အရောင်အသွေးမတူခြင်း၊ စကားပြောရာတွင် အသံဝဲပုံ တစ်မျိုးတစ်ဖုံထူးခြားခြင်းတို့ ကြောင့် ပျူလူမျိုးများကို ပိုးကရင်ဖြစ်လာသည်ဆိုသော ယူဆချက်မှာ မမှန်နိုင်ပါ။ သို့ရာတွင် ရှေးပျူယဉ်ကျေးမှုထွန်းကားချိန်တွင် ပျူလူမျိုးများနှင့် ပိုးကရင်အနွယ်အ၀င်များတို့ ရောနှော ခဲ့ကြသည့် လက္ခဏာအထောက်အထားကား ထည့်သွင်းစဉ်းစားရပေမည်။အဘယ့်ကြောင့်ဆိုသော် ယနေ့ကရင်လူမျိုးတို့၏ ရိုးရာဓလေ့အချို့သည် ထိုခေတ် ပျူယဉ်ကျေးမှု အချို့တို့နှင့် နီးစပ်သည်ကို တွေ့ရှိနိုင်ခြင်း၊ မည်လည်သမိုင်းတွင် ပျူမင်း များ ဟူသော အရေးအသားနှင့်ပတ်သက်၍ ပျူမှာ လူမျိုးများကို ဖော်ပြရာဖြစ်သကဲ့သို့ ပြုံး ဟူသော အခေါ်မှာ မြန်မာစကားသံအရ ယရစ်သံပျက်ဖြစ်၍ ပရုံး ဟူသောအသံထွက်ပြီး သံမှန်အနေအထားသို့လေ့လာပါက ပရုံး ဖလုံး ဖလုံ ဟူသော အသံများရဲ့ မူလဇစ်မြစ်ဖြစ်နိုင် ပြီး ယင်းအခေါ်သည် ယနေ့ ပိုးကရင် တို့ မိမိကိုယ်ကိုခေါ်သော ဖလုံ ဟူသော အခေါ်နှင့် အသံထွက်တူသည်ကို တွေ့ရသည်။ထို့အပြင် နိုင်ငံခြားသားများ၏ မှတ်တမ်းဝင်အခေါ်အရ ပြည်မြို့ကို ပရုံး ဟုခေါ်ခြင်းသည် ယင်း ဒေသတွင် တစ်ချိန်က ယနေ့ ဖလုံ ခေါ်သော ပိုးကရင်လူမျိုးစုတို့ နေထိုင်ရာ ဒေသအဖြစ်ဖြင့် ထင်ရှားခဲ့ကြောင်းကို ရှေးကရင်လူကြီးများအဆိုနှင့် ယှဉ်ပြီးသိနိုင်ပါသည်။မြန်မာသမိုင်းတွင် ပါရှိသည့် မွန် မြန်မာတို့ နှစ်ပေါင်း(၄၀)စစ်ပွဲကာလတွင် မြန်မာမင်းများ၏ အရှေ့ဘက်စစ်ကြောင်းဖြစ်သော စစ်တောင်းမြစ်ဝှမ်းတစ်လျှောက်တွင် အများစုနေထိုင်သော စကောကရင် လူမျိုးစုများကို မြန်မာမင်းတို့၏ စစ်တပ်များတွင် ပါဝင်စေခြင်းဖြင့်လည်းကောင်း၊ မွန်မင်းများကြီးစိုးရာ ဒေသဖြစ်သော မြစ်ဝကွန်းပေါ်နှင့် အောက်ပိုင်းရှိပိုးကရင်လူမျိုးစုများကို မွန်မင်းများ၏ စစ်တပ်တွင် ပါဝင်စေခြင့်ဖြင့်လည်းကောင်း၊ ကရင်လူမျိုးနှစ်စုအား မွန် မြန်မာတို့က ခွဲခြားခေါ်ဝေါ်ခြင်းဖြင့် စကောကရင်အုပ်စုကို မြန်မာကရင်များ၊ ပိုးကရင်အုပ်စုကို မွန်ကရင် သို့မဟုတ် တလိုင်းကရင်များဟူ၍လည်းကောင်း ယနေ့တိုင်အောင် တစ်ချို့ခေါ်ဝေါ် နေကြသေးသည်။သုတေသီတစ်ချို့က တောင်ငူမင်းဆက်ကို ကရင်လူမျိုးတို့ စတင်တည်ထောင်ကြောင်း အဆိုရှိကြသည်။ ယင်းအဆိုမှာ များစွာ လျှော်ကန်လှပေသည်။ အကြောင်းမှာ မွန်-မြန်မာစစ်ပွဲ ကာလတွင် စကောကရင်လူမျိုးစုတို့သည် စစ်ရေး အုပ်ချုပ်ရေးအတွေ့အကြုံနှင့် နယ်မြေဒေသ စုစည်းနေထိုင်မှုများကြောင့် တောင်ငူမင်းဆက်ကို စတင်တည်ထောင်ရန် အင်အားအထူးကောင်းမွန်လျက်ရှိမည်မှာမလွဲပေ၊ မည်သို့ပင်ဆိုစေကာမူ သမိုင်းတွင် ကရင်လူမျိုးတို့ မှတ်တမ်းမ၀င်သည်မှာ ကရင်လူ မျိူးတို့၏ အေးဆေးစွာ နေထိုင်လိုသောစိတ်ဓာတ်နှင့် စည်းလုံးညီညွတ်မှု အားနည်းသော သဘာဝတို့ကြောင့် အခြားလူမျိုးများ၏လက်အောက်တွင် ကာလကြာမြင့်စွာ နေထိုင်ကြရကာ မိမိတို့ဓလေ့ထုံးစံတစ်ချို့ နှမျောဖွယ်ရာ ဆုံးရှူံးရခြင်းနှင့် တစ်ဒေသနှင့် တစ်ဒေသဆက်သွယ်ရန် ဝေးလံခက်ခဲသော နေရာဒေသများတွင် နေထိုင်ကြရလေသည်။
စရှောင်ဖန်း(အင်းစိန်)
၂၀၀၆-ထုတ် ပိုးကရင်မဂ္ဂဇင်းမှ

ကေအင်ယူကို ထိုင်းနယ်မြေထဲမှ ထွက်ခွာသွားရန် ဖိအားပေးဟု ဆို

သူတို့၏ ပိုင်နက်နယ်မြေထဲတွင် အခြေမချရန် ထိုင်းနိုင်ငံက သတိပေးပြီးနောက် ကရင်အမျိုးသား အစည်းအရုံး - ကေအန်ယူ အဖွဲ့ဝင်များသည် မြန်မာနိုင်ငံအတွင်း ရွှေ့ပြောင်းနေပြီဟု အဖွဲ့နှင့် နီးစပ်သည့် သတင်းရပ်ကွက်က ပြောသည်။

နယ်စပ်မြို့ မဲဆောက်ရှိ ထိုင်းအာဏာပိုင်များက ထိုင်းနိုင်ငံ နယ်မြေတွင် မနေဘဲ ထွက်ခွာသွားရန် အေအန်ယူ ခေါင်းဆောင်များကို မကြာမီက ပြောကြားခဲ့ခြင်း ဖြစ်သည်။

“ထိုင်းအာဏာပိုင်တွေက အသိပေး အကြောင်းကြားတာကို လွန်ခဲ့တဲ့ ၁ဝ ရက်လောက်က အလွတ်သဘော ပြောခဲ့တာ။ ထိုင်းစစ်တပ်က ကေအင်ယူကို သူတို့ ပိုင်နက်နေမြေက ထွက်ခွာသွားဖို့ပြောလို့ အခု ကေအင်ယူ အဖွဲ့ဝင်တွေ ထွက်သွားကြပြီ” ဟု သတင်းရပ်ကွက်က ပြောသည်။

သို့သော် ခေါင်းဆောင် အနည်းငယ်သည် ယခုတိုင် မဲဆောက်မြို့တွင်း၌ ရှိနေဆဲ ဖြစ်သော်လည်း ခပ်လျှိုလျှိုပင် နေကြသည်ဟု သူက ပြောသည်။

“အခုတော့ ကေအန်ယူ ခေါင်းဆောင်တွေ အရင်တုန်းကလို လွတ်လွတ်လပ်လပ် သွားလို့ မရတော့ဘူး။ သူတို့ အရင်ထက် ပိုဂရုစိုက်ရတော့မယ်” ဟု သူက ဆက်ပြောသည်။

မည်သို့ပင်ဖြစ်စေ ကေအန်ယူကမူ တရားဝင် ထင်မြင်ချက် ပြောကြားရန် ငြင်းဆန်သည်။

ကေအန်ယူသည် ကိုယ်ပိုင်ပြဋ္ဌာန်းခွင့်အတွက် မြန်မာအစိုးရကို သက်တမ်းအရှည်ဆုံး ဆန့်ကျင် တိုက်ခိုက်နေသည့် သူပုန်အဖွဲ့တခုဖြစ်ပြီး အစောပိုင်းက မြန်မာနိုင်ငံ ကရင်ပြည်နယ် အတွင်းတွင် အင်အားတောင့်တင်းသော အခြေခံစခန်းများ ရှိခဲ့သည်။

သို့သော် ယင်းတို့၏ အခိုင်အမာ စခန်းဖြစ်သော မာနယ်ပလောကို မြန်မာစစ်တပ်နှင့် ကေအန်ယူခွဲထွက် ဒီမိုကရက်တစ် တိုးတက်သော ဗုဒ္ဓဘာသာ ကရင်တပ်မတော် - ဒီကေဘီအေ ပူးတွဲတပ်ဖွဲ့များက ၁၉၉၅ ခုနှစ်တွင် ဝင်ရောက် သိမ်းပိုက်ခဲ့ပြီးနောက် အကြီးအကျယ် အထိနာခဲ့သည်။

ထိုအချိန်ကတည်းက စတင်၍ ကွယ်လွန်သူ ကေအန်ယူ အထွေထွေ အတွင်းရေးမှူးဟောင်း ပဒိုမန်းရှာလဖန်း အပါအဝင် ကရင်ခေါင်းဆောင် အများအပြားသည် ထိုင်းနယ်ငံ နယ်စပ်မြို့ မဲဆောက်မြို့တွင် ဝင်ရောက်ခိုလှုံ နေထိုင်ခဲ့ကြသည်။ ကေအန်ယူ ခေါင်းဆောင်များ ထိုသို့ရှိနေခြင်းကို ထိုင်းနိုင်ငံ အာဏာပိုင်များက ကောင်းစွာသိသော်လည်း ယင်းတို့ကို ထွက်ခွာသွားရန် တရားဝင် အတင်းအကျပ် ဖိအားပေး မောင်းထုတ်ခြင်း မရှိခဲ့ပါ။

မြန်မာစစ်အစိုးရကမူ ရံဖန်ရံခါ ယင်းတို့၏ အာဘော်ထုတ် မြန်မာ့အလင်း သတင်းစာမှနေ၍ သူတို့က ‘အဖျက်သမား’ ဟု ခေါ်သော ကေအန်ယူသူပုန်များကို ထိုင်းနိုင်ငံက လက်ခံခိုလှုံခွင့် ပေးထားကြောင်း စွပ်စွဲ ရေးသားခဲ့သည်။

လတ်တလော ဖိအားပေးမှုများသည် ထိုင်းနိုင်ငံ၏ မူဝါဒ ဟုတ်ပုံ မရသော်လည်း ထိုင်းနိုင်ငံသည် ပြင်ပဖိအားကြောင့် ဤသို့ လုပ်နေရခြင်း ဖြစ်နိုင်ကြောင်း သတင်းရပ်ကွက်က ပြောသည်။ ထိုင်းနိုင်ငံသည် မြန်မာနိုင်ငံနှင့် နယ်နိမိတ်ချင်း ထိစပ်နေသော သူတို့ပိုင်နက် နယ်မြေပေါ်တွင် ကေအန်ယူ အပါအဝင် အခြားတိုင်းရင်းသား သူပုန် အဖွဲ့များကို တရားမဝင် လက်ခံ ခိုလှုံခွင့် ပေးထားခဲ့သည်။

“ကေအန်ယူကို သူတို့နယ်မြေထဲက ထွက်သွားဖို့ ဖိအားပေးတာ ထိုင်းနိုင်ငံရဲ့ တရားဝင်ဖိအား မဖြစ်နိုင်ဘူး။ ဒါပေမဲ့ ဒီဖိအားက အပြင်ကလာတာ ဖြစ်နိုင်တယ်” ဟု သတင်းရပ်ကွက်က ဆိုသည်။

သို့သော် ကေအန်ယူနှင့် ယင်း၏ လက်နက်ကိုင်အဖွဲ့ ကရင်အမျိုးသား လွတ်မြောက်ရေး တပ်မတော် - ကေအန်အယ်အေ အဖွဲ့ဝင်များကို ထိုသို့ ထိုင်းနိုင်ငံပြင်ပသို့ ထွက်ခွာသွားရန် ဖိအားပေးခြင်းသည် ဤအကြိမ်သည် ပထမအကြိမ် မဟုတ်ကြောင်း သူက ပြောသည်။

“ဒါ ပထမအကြိမ် မဟုတ်ပါဘူး။ နောက်တော့လည်း ပုံမှန်အတိုင်း ပြန်ဖြစ်သွားတာပါပဲ” ဟု သူက ဆက်ပြောသည်။

မြန်မာနိုင်ငံဆိုင်ရာ ထိုင်းနိုင်ငံ၏ မူဝါဒရေးရာကို အစဉ်တစိုက် လေ့လာအကဲခတ်နေသူ အမျိုးသား ဒီမိုကရေစီအဖွဲ့ချုပ် လွတ်မြောက်နယ်မြေ၏ ထိုင်းနိုင်ငံအခြေစိုက် နိုင်ငံခြားရေးကော်မတီ တာဝန်ခံ ဦးညိုအုန်းမြင့်ကမူ ကေအန်ယူကို ပေးနေသော ဖိအားများနှင့် ပတ်သက်၍ သေချာပေါက် မပြောနိုင်သော်လည်း ဖြစ်နိုင်ခြေများကိုမူ မဟုတ်ဟု ပြော၍ မရကြောင်း ဆိုသည်။

“ကေအန်ယူကို ထိုင်းနိုင်ငံအတွင်းက ထွက်သွားဖို့ ဖိအားပေး ခံနေရတယ်ဆိုတာ ကျနော်တို့ ကြားပါတယ်။ ဒါပေမဲ့ ကျနော်တို့ ဒါကို အတည်မပြုနိုင်ပါဘူး” ဟု ဦးညိုအုန်းမြင့်က ဆိုသည်။

သို့သော် ကေအန်ယူ ခေါင်းဆောင်များ နယ်စပ်မြို့များနှင့် ထိုင်းနိုင်ငံပိုင်နက် နယ်မြေများအတွင်းမှ ထွက်ခွာ သွားနေကြသည်ကိုမူ သူ သတိပြုမိကြောင်းလည်း ဆက်ပြောသည်။

ထိုင်းတပ်မတော် စစ်ဦးစီးချုပ်၏ မြန်မာနိုင်ငံခရီးစဉ်အတွင်း ကရင်သူပုန်များကို ထိုင်းနိုင်ငံတွင်းမှ မောင်းထုတ်ရန် မြန်မာအစိုးရက တိုက်တွန်းခဲ့ပုံ ရကြောင်းလည်း သူက ပြောသည်။

“ထိုင်းနိုင်ငံက မြန်မာစစ်အစိုးရရဲ့ ဖိအားကြောင့် လုပ်နေရတာ ဖြစ်နိုင်တယ်။ ထိုင်းစစ်တပ် အကြီးအကဲရဲ့ မြန်မာနိုင်ငံ ခရီးစဉ်အတွင်း ဒီလို နှစ်နိုင်ငံ သဘောတူညီချက် ရခဲ့တာဖြစ်နိုင်တယ်” ဟု သူက ဆက်ပြောသည်။

ထိုင်းနိုင်ငံ စစ်တပ်စစ်ဦးစီးချုပ် အနုဖုန်း ဖောင်ဂျင်းဒါး - Anupong Paochinda သည် ဖေဖော်ဝါရီလလယ်က မြန်မာနိုင်ငံသို့ ၂ ရက်ကြာ တရားဝင် အလည်အပတ်ခရီး သွားရောက်ခဲ့ကာ မြန်မာစစ်တပ်၏ အကြီးအကဲ ဗိုလ်ချုပ်မှူးကြီး သန်းရွှေနှင့် တွေ့ဆုံခဲ့သည်။
ဆော်လမွန်
ကြာသပတေးနေ့၊ မတ်လ 05 2009 11:50 - မြန်မာစံတော်ချိန် (မဇ္ဈိမ)