(ကရင်အမျိုးသားအစည်းအရုံး (ကေအန်ယူ) ၏ လက်နက်ကိုင်အဖွဲ့ဖြစ်သည့် (ကေအန်အယ်လ်အေ) ကရင်အမျိုးသား လွတ်မြောက်ရေးတပ်မတော် လက်အောက်ခံ တပ်မဟာ (၇) ဌာနချုပ်သည် ထိုင်း-မြန်မာနယ်စပ် သောင်ရင်းမြစ်တဘက် မြန်မာဘက်ခြမ်းတွင် အခြေစိုက်သည်။ ကေအန်အယ်လ်အေ တပ်မဟာ (၇) ဌာနချုပ်မှ တာဝန်ခံ ဗိုလ်မှူးချုပ် ဂျော်နီနှင့် ခေတ်ပြိုင်ဂျာနယ် အယ်ဒီတာချုပ် ဦးစိန်ကျော်လှိုင်တို့ ကေအန်အယ်လ်အေ တပ်မဟာ (၇) ဌာနချုပ်၌ မကြာခင်က တွေ့ဆုံဆွေးနွေးခွင့် ရခဲ့သည်။ ကေအန်အယ်လ်အေ တပ်မဟာ (၇) ဌာနချုပ်မှ တာဝန်ခံ ဗိုလ်မှူးချုပ် ဂျော်နီသည် တိုက်ရည်ခိုက်ရည်ကောင်းသူတဦး ဖြစ်သည့်အပြင် ကေအန်ယူနှင့် မြန်မာစစ်အစိုးရတို့ကြား ငြိမ်းချမ်းရေး ဆွေးနွေးပွဲများတွင် (၅) ကြိမ်တိုင် ကေအန်ယူ ကိုယ်စားလှယ်အဖွဲ့၌ ပါဝင်ခဲ့သူလည်း ဖြစ်သည်။ လက်ရှိ စစ်ရေးအခြေအနေနှင့် ပတ်သက်ပြီး ခေတ်ပြိုင်မှ မေးမြန်းရာ ကေအန်အယ်လ်အေ တပ်မဟာ (၇) ဌာနချုပ်မှ တာဝန်ခံ ဗိုလ်မှူးချုပ် ဂျော်နီက ယခုကဲ့သို့ စတင်ရှင်းပြသည်။)
စစ်ရေးအပိုင်း
ဖြေ။ ။ အခုလောလောဆယ် ကျနော်တာဝန်ယူထားတာ (၁) နှစ်ကျော်ပြီ။ ရှေ့လှုပ်ရှားမှုအတွက် အခုလက်နက်ကိုင် ထားတာတော့ ကျနော်တို့လူထုကို ကာကွယ်ဖို့နဲ့ ကျနော်တို့ကို ကာကွယ်ဖို့ပဲလေ။ နိုင်ငံရေးကို နိုင်ငံရေးနည်းနဲ့ပဲ ဖြေရှင်း မယ်။ စစ်ရေးနဲ့ဖြေရှင်းတာ ဘယ်တော့မှ ပြီးမှာ မဟုတ်ဘူးမဟုတ်လား။ ခဏတဖြုတ်တော့ အေးသွားတာပေါ့။ နောက်တော်ကြာ ပြန်ပူမယ်။ ဒါကြောင့် ကျနော်တို့ ကေအန်ယူ မူကတော့ နိုင်ငံရေးကို နိုင်ငံရေးနည်းနဲ့ ဖြေရှင်းမယ်။ အခုကျနော်တို့လောလောဆယ် အမြဲတမ်းလုံခြုံရေးကို (၂၄) နာရီပေါ့။ သူတို့ ကျနော်တို့ကို အရင်လာတိုက်မှ ကျနော်တို့ ပြန်တိုက်မယ်ပေါ့လေ။ ဒီလိုပဲပြောထားတယ်။ ရှေ့တန်းမှာလာတဲ့ တပ်မတွေ တပ်ရင်းတွေကိုပေါ့လေ။
မေး။ ။ အစိုးရဘက်ကရော ဘယ်လိုသဘောထားရှိလဲ တပ်တွေက။ ဥပမာ- ဟိုတလောက ကျနော်တို့သတင်းတွေ ဖတ်ရတာ တိုက်ပွဲတွေလည်း မကြာခဏပေါ့လေ။ ကျောက်ကြီးတို့ ဘားအံဘက်တွေမှာဖြစ်တယ်။ နောက်တခါ ဒီဘက်က အီထူးထာတို့ဘက်မှာလည်း ကျွံထွက်လာတဲ့ ဒုက္ခသည်တွေ တော်တော်များများတွေ့ရတယ်။ အဲဒါ ၂၀၀၄-၂၀၀၅ ကနေ အခုချိန်ထိရောက်နေတုန်းပဲ ရှိသေးတယ်။ ဟိုဘက်ကထိုးစစ်က မရပ်ဘူးဆိုတဲ့အခါမှာ ဗိုလ်မှူးချုပ်တို့က ပြည်သူလူထုကို ခုခံကာကွယ်ဖို့ဆိုရင် အစိုးရနဲ့ ထိတွေ့တဲ့ တိုက်ပွဲတွေ နောက်ထပ်ဖြစ်ဖို့ အကြောင်းမရှိတော့ဘူးလား။ ရှိရောရှိနေသေးလား။
ဖြေ။ ။ ဒါက ရှိရင်ရှိမှာပေါ့။ ကျနော်တို့ ဒီမှာတော့ ပြောထားတာပေါ့။ အခုက ရှေးခေတ်ကာလလို သွေးထွက်သံယို ခေတ်မဟုတ်တော့ဘူး။ အခုရှေ့တန်းမှာ ရောက်တဲ့ တပ်မတွေ၊ တပ်ရင်းတွေ၊ ဗမာကိုတိုက်တာ မဟုတ်ဘူး။ အာဏာရှင်ကို တိုက်တာ။ ကရင်လည်း ဗမာပဲ။ တိုင်းရင်းသား ညီအစ်ကိုတွေပဲ။ ဟိုးအရင်တုန်းက ပြီးခဲ့တာတွေကိုလည်း ကျနော်တို့က သင်ပုန်းချေလိုက်ပြီ။ ခွင့်လွှတ်လိုက်ပြီပေါ့။ မေ့တော့မမေ့ဘူးပေါ့။ အဓိကက ကျနော်တို့ အလံကိုင် တိုက်တာ ကရင်အတွက်၊ ကရင်ပြည်နယ်အတွက်ချည်း မဟုတ်ဘူး။ ကရင်ပြည်နယ်တခုတည်း အေးမယ်ဆို ဗမာပြည် ဘယ်တော့မှမအေးဘူး။ ဒါကြောင့်မို့ ကျနော်တို့ လက်နက်ကိုင်တိုက်တာ အဖိနှိပ်ခံတိုင်းရင်းသား အားလုံးအတွက် ပါတယ်။ လူတန်းစားအားလုံးအတွက်ပဲ။ ဒါကြောင့်မို့ ဒီမှာလာတဲ့လူတွေကိုလည်း ကျနော်တို့ပြောတယ်။ တကယ်လို့ ကျနော်တို့ တိုက်မယ်ဆိုရင် နေ့တိုင်းပဲ တိုက်လို့ရတယ်။ နေ့တိုင်းပဲ သေမယ်။ ဒါပေမယ့် ကျနော်တို့ မတိုက်ဘူး။ ကျနော့် အခု စခန်းက တပ်ခွဲလုပ်လို့ တပ်ခွဲတခွဲမှာ (၁၈) ယောက်ရှိတယ်။ တပ်ရင်းတရင်းမှ ရှေ့တန်းမှာ တက်လာတာ (၁၀၀-၁၀၂-၁၀၃) ယောက် ရှိတယ်။ ကျနော်က တိုက်ချင်တယ်။ ဒါပေမယ့် သေရင် နှစ်ဖက်စလုံးသေမယ်။ ကရင်လည်း သေမယ်။ ဗမာလည်း သေမယ်။ အစိုးရ သေမယ်။ တော်လှန်ရေးသမားလည်း သေမယ်။ ဒါကြောင့်မို့ ဘာမှအကျိုး မရှိဘူး။ ရေရှည်မှာ။ နိုင်ငံရေးကို နိုင်ငံရေးနည်းနဲ့ ဖြေရှင်းမယ်။ ကျနော်တို့ မြန်မာပြည်တိုးတက်အောင်၊ မြန်မာပြည်မှာရှိတဲ့ တိုင်းရင်းသားအားလုံး တာဝန်ရှိတယ်။ ဒါကြောင့်မို့လို့ ရှေ့တန်းမှာလာတဲ့ တချို့ (အစိုးရ) တပ်မှူးတွေ၊ တပ်ခွဲမှူးတွေ၊ တပ်ရင်းမှူးတွေ တခါတလေ ကျနော့်ကို ဖုန်းဆက်လာတာရှိတယ်။ ကျနော်ဒီလိုပဲ ပြောလိုက်တာပဲ။ အခုက သူတို့စစ်ဆင်ရေးဆိုတော့ နယ်မြေရှင်းလင်းရေး၊ နယ်မြေစိုးမိုးရေးဆိုတော့ အမြဲတမ်း လာတာပေါ့။ လာလို့ရှိရင် ကျနော်တို့ ဘာမှမလုပ်ဘူးလေ။ သူတို့လည်း ကျနော်တို့ကို ဘာမှမလုပ်ဘူးလေ။
မေး။ ။ အခု တဖက်က ပြန်ကြည့်တော့။ အခုသိသိသာသာ ဗိုလ်မှူးချုပ်တို့အနေနဲ့ ဒီသဘောတရားကို Policy ချမှတ်တယ်ဆိုရင် လွန်ခဲ့တဲ့ (၆) လအတွင်းမှာဖြစ်စေ၊ လွန်ခဲ့တဲ့ (၁) နှစ်အတွင်းမှာ ဖြစ်စေ၊ အစိုးရနဲ့ဖြစ်တဲ့ တိုက်ပွဲနှုန်းထားဟာ ပိုပြီးတော့ကျသွားလား၊ အရင်ထက်ပိုများလာပါသလား။ ဘယ်လိုမှန်းပါသလဲ။
ဖြေ။ ။ ကျနော်တို့နယ်မြေမှာ ဒီတနှစ်အတွင်းမှာတော့ တိုက်ပွဲမရှိဘူး။ တပ်မဟာ (၆)၊ တပ်မဟာ (၂) တို့မှာတော့ ရှိချင်ရှိမှာပေါ့။ ကျနော့်နယ်မြေတော့ ကျနော်တာဝန်ယူထားတာ (၁) နှစ်မှာတော့ တိုက်ပွဲတခါမှ မရှိသေးဘူး။
မေး။ ။ အရင်ထက်စာရင်တော့ သိသိသာသာလျော့သွားတာပေါ့ ဟုတ်လား။
ဖြေ။ ။ ဟုတ်ကဲ့။ တကယ်တော့ ကျနော်တို့လည်း အမြဲပဲ စစ်ရေးသတိပေါ့။ စစ်သားဆိုတာ သတိအမြဲရှိရမယ်။ ရန်သူတွေကတော့ သွားပြီးယုံလို့ မရဘူးပေါ့။ တကယ်လို့ သူသတ်မယ့်ခွင်လာရင်တော့ ကျနော်တို့လည်း ခုခံကာကွယ်မှာပေါ့။ ကိုယ့်ကိုယ်ကိုယ် ကာကွယ်ဖို့ပေါ့။
လူထုကို လက်နက်ဆင်ပြီးတိုက်မည့် ဖက်ဆစ်တော်လှန်ရေးအယူအဆ
မေး။ ။ နိုင်ငံရေးနည်းကို နိုင်ငံရေးနည်းနဲ့ရှင်းရမယ်။ စစ်ရေးနည်းနဲ့ဟာ နိုင်ငံရေးမပြေလည်နိုင်ဘူးဆိုတော့ နိုင်ငံရေးနည်းနဲ့ ရှင်းတာရော တကယ်နိုင်ငံရေး ပြေလည်ဖို့ ရှိမယ်လို့ ဗိုလ်မှူးချုပ်ယူဆပါသလား။
ဖြေ။ ။ ယူဆတယ်။ အခုမြို့သားလူထုနဲ့သံဃာတွေ ကျနော့်ကို ဆက်သွယ်တာရှိတယ်။ ကျနော် ပြောတယ်။ တောင့်ထားပေါ့။ တနေ့ကျရင် ဖြစ်ကိုဖြစ်မှာပဲ။ မြို့မှာ လူထုနဲ့ အဆက်အသွယ်ရပြီး လူထုနဲ့ ကျနော်တို့ တော်လှန်တဲ့ အဖွဲ့အစည်းတွေညီလို့ရှိရင် တနေ့ကျရင် ဒီတော်လှန်ရေး အောင်မြင်မယ်လို့ ယူဆတာပေါ့။ တကယ်ပေါ့လေ။
မေး။ ။ ဗိုလ်မှူးချုပ်က အဲဒီလို ယူဆပေမယ်လို့ တချို့တိုင်းရင်းသားခေါင်းဆောင်တွေကို ကျနော် မေးကြည့်တဲ့အခါ သူတို့စဉ်းစားနေတာက နိုင်ငံရေးနည်းနဲ့ အခုမပြေလည်ဘဲ တင်းခံနေတာပေါ့လေ။ ပြဿနာတွေဖြစ်နေတယ်။ တိုက်မှဖြစ်မယ်။ တိုက်တဲ့အခါမှာလည်း ဒီစစ်အစိုးရဟာ ဖက်ဆစ်လိုပဲ လူထုအပေါ်မှာ အင်မတန်မှ ကြမ်းကြုတ် ရက်စက်တဲ့အတွက် ဒီစစ်အစိုးရကို ဖက်ဆစ်တော်လှန်ရေးအသွင် တိုက်သင့်တယ်။ ဖက်ဆစ်တော်လှန်ရေးအသွင် တိုက်တဲ့အခါမှာ လမ်းပေါ်ထွက် ဆန္ဒပြတဲ့နည်းနဲ့ မအောင်မြင်နိုင်တော့ဘူး။ လမ်းပေါ်ထွက်ဆန္ဒပြရင် ဒီစစ်အစိုးရဟာ ရက်ရက်စက်စက်နဲ့ လူထုကို သတ်မှာဖြစ်တယ်။ ဒါကြောင့်မို့လို့ လူထုကို လက်နက်တပ်ဆင်ပေးပြီးတော့ ဖက်ဆစ် တော်လှန်ရေးလိုလုပ်မှ အောင်မြင်မယ်လို့ ယူဆတဲ့ အပိုင်းလေးတွေရှိတယ်။ ဗိုလ်မှူးချုပ်အနေနဲ့ဒီအယူအဆကို သဘောတူပါသလားခင်ဗျာ။
ဖြေ။ ။ ကျနော်ကတော့ အခုလောလောဆယ်တော့ ဘယ်လိုမှ သဘောမတူသေးဘူး။ တကယ်လို့ အခြေအနေအရ အခုပြောတာ စောသေးတယ်ပေါ့။ အခုလောလောဆယ် အခြေအနေစောင့်တာမျိုးပေါ့လေ။ လက်နက်နဲ့လုပ်တော့ လုပ်ရမယ်၊ ဒါပေမယ့် တကယ်လို့ လက်နက်ကိုင် တိုက်ရမယ်ဆို ဒီအာဏာရှင်နဲ့ ကျနော်တို့တော်လှန်ရေးကြားမှာ လူထုလည်း ထိခိုက်နစ်နာမှုရှိတယ်။ ဒါကြောင့်မို့ လောလောဆယ် အဓိကကတော့ လူထုကိုစည်းရုံးနိုင်ဖို့ လူထု ကျနော်နဲ့ လာဆက်သွယ်ဖို့။ ဒါပေမယ့် မကြာတဲ့ကာလမှာ ဒီအာဏာရှင်ဆိုတာ ကြာကြာ မခံနိုင်ဘူးလေ။ အခုပြည်သူက အခက်အခဲရှိတဲ့ တနေ့ကျရင် ပေါက်ကွဲမယ်။ ကျနော်က ပြည်သူနဲ့လက်တွဲပြီဆိုရင်၊ တော်လှန်ရေး အဖွဲ့အစည်းကြီး ညီလို့ရှိရင် ကျနော်တို့ ဒီမိုကရေစီမိသားစုရဲ့ ဘုံရန်သူဟာ ဘယ်လိုမှမခံနိုင်ဘူး။ အဓိက ကျနော်တို့လူထုပဲ။ တကယ်လို့ ဒီလိုတိုက်မယ်ဆိုရင် လူထုပဲနစ်နာမယ်လေ။ လက်နက်တော့ လက်နက်ကိုင်ထားတာပေါ့။ လောလောဆယ်တော့ အချိန်မရောက်သေးဘူး။ အချိန်ရောက်တော့ ကျနော်တို့နဲ့ လုပ်ကိုလုပ်ရမယ်။ တိုက်ကိုတိုက်ရမယ်။
မေး။ ။ နောက်တချက်က ပြည်တွင်းမှာ စစ်အစိုးရနဲ့ အပစ်အခတ်ရပ်စဲထားပြီးတော့ လက်နက်ကိုင်ထားတဲ့ ငြိမ်းချမ်းရေးအဖွဲ့တွေ၊ ဒီအဖွဲ့တွေ ဘာလုပ်သင့်တယ်လို့ ထင်ပါသလဲ။ အခုချိန်မှာ။
ဖြေ။ ။ အခုဒီအဖွဲ့တွေဟာ တော်လှန်တဲ့ ဒီမိုကရေစီအဖွဲ့အားလုံးနဲ့ နားလည်မှုယူဖို့ အချိန်တန်ပြီပေါ့။ ကျနော်တို့ ကေအန်ယူအဖွဲ့ကလည်း လူထုနဲ့ ပြန်ပေါင်းတာရှိတယ်။ ကျနော်တို့နဲ့ ပြန်နားလည်ဖို့ ဒီအာဏာရှင်ပြုတ်ကျဖို့ ပြည်သူလူထု တရပ်လုံးအတွက် အကျိုးရှိဖို့၊ ကိုယ့်အတွက်အကျိုးမရှိ ဘဲနဲ့ ပြည်သူလူထုတရပ်လုံး၊ မြန်မာပြည် တပြည်လုံး ငြိမ်းချမ်းအောင် တော်လှန်တဲ့အဖွဲ့အစည်းပေါ့လေ၊ ဒီမိုကရေစီအဖွဲ့တွေနဲ့ လက်တွဲဖို့ အချိန်ရောက်ပြီလေ။
အမေရိကန်ပေါ်လစီနှင့် လက်နက်ကိုင်လမ်းစဉ်
မေး။ ။ နောက်တချက်က နိုင်ငံတကာအပိုင်းကလည်း ဘာပြောင်းလာလဲဆိုတော့။ အထူးသဖြင့် အမေရိကန်ပေါ့လေ။ သူ့ Policy အရ ဒီအကြမ်းဖက်မှုကို 9/11 က ဒီဘက်ကို တောက်လျှောက်ဆန့်ကျင်လာခဲ့တယ်။ ဆန့်ကျင်လာခဲ့တော့ အခု Patriotic Act ဆိုတဲ့ အမျိုးသားရေးနဲ့ ဆိုင်တဲ့ဥပဒေတရပ် ပြဋ္ဌာန်းပြီးတဲ့နောက်ပိုင်းမှာ အတော်လေး လုံခြုံရေးတွေ သူတို့ဆီမှာလည်း တင်းကျပ်လာတယ်။ နောက်ပြီး Material Support ဆိုပြီးတော့ ကေအန်ယူတို့လို၊ တခြား လက်နက် ကိုင် မြန်မာပြည်ထဲက တိုင်းရင်းသားအဖွဲ့ ဘယ်အဖွဲ့မဆို တစုံတရာ Material Support ဆိုတဲ့အတွက် ဆန်တပြည် ပေးခဲ့လည်း ဒါနဲ့သွားငြိတယ်။ ငွေငါးကျပ်ပေးခဲ့လည်း ဒါနဲ့ငြိတယ်ဆိုပြီးလုပ်တော့ အမေရိကန်သွားမယ့် ဒုက္ခသည် တွေမှာ ပြဿနာဖြစ်ခဲ့တယ်။ ဗိုလ်မှူးချုပ်လည်း ကြားပါလိမ့်မယ်။ ဟိုတလောကဖြစ်တယ်။ နောက်တော့မှ Waiver နဲ့ ပြန်ဖွင့်ပေးတယ်။ ဒုက္ခသည်တွေမှာ ကရင်တွေလည်းပါမယ်။ တခြားတိုင်းရင်းသားတွေလည်း ပါတဲ့အခါမှာ အမေရိကန် သွားဖို့ အစီအစဉ်တွေမှာ အခက်အခဲတွေ ဖြစ်လာတဲ့အတွက် ဒီလက်နက်ကိုင်လမ်းစဉ်ဟာ ရေရှည်မှာ အောင်မြင်မယ် သို့မဟုတ်လည်း ဘယ်လောက်အတိုင်းအတာတခုထိမှာ လက်နက်ကိုင်လမ်းစဉ်ကို ပြောင်းလဲမယ်လို့ သဘောထားများ ရှိလဲခင်ဗျ။
ဖြေ။ ။ လောလောဆယ်တော့ အခု ကျနော်လက်နက်ကိုင်ထားအုံးမှာပေါ့။ အခု ဒီအာဏာရှင်က ကျနော်တို့ကို လက်နက်နဲ့ တိုက်တော့ ကျနော်တို့လည်း တိုက်ရင်းနဲ့ အစတုန်းက ကျနော်တို့ ကေအန်ယူလည်း ဥပဒေဘောင် အတွင်းက အခွင့်အရေး တောင်းယူတာပဲ။ ဒီအာဏာရှင်ကမှ မပေးဘဲ။ သူတို့က အရင် လက်နက်နဲ့လာတိုက်တော့ ကျနော်တို့လည်း ဓား ဓားချင်း၊ လှံ လှံချင်းပေါ့။ အခု လောလောဆယ်တော့ ဒီလိုပဲရှိမှာပေါ့။ လက်နက်ကိုင် တော်လှန်ရေးတော့ လုပ်ကိုလုပ်ရမယ်။ လောလောဆယ် ဒီလက်နက်ကိုင်ဟာ ပြည်သူလူထုကို ကာကွယ်တယ်။ ကိုယ့်ကိုယ်ကိုယ်လည်း ကာကွယ်တာပေါ့လေ။ ပြည်ပက ဖိအားပေးတာလည်း မလိုချင်ဘူး။ ကျနော်တို့ကိုယ်တိုင်က လုပ်ကို လုပ်ရမယ်။ မြန်မာပြည်မှာရှိတဲ့ တိုင်းရင်းသားအားလုံးမှာ တာဝန်ရှိတယ်။ စစ်အစိုးရပြုတ်ကျဖို့ ကျနော်တို့ ပြည်သူအားလုံး၊ တိုင်းရင်းသားအားလုံး၊ အဖွဲ့အစည်းအားလုံး နောက်ငြိမ်းချမ်းရေး ယူထားတဲ့လူတွေအားလုံး ကျနော်တို့ ညီလို့ရှိရင် တနေ့ကျရင် ဒီအာဏာရှင်ပြုတ်ကျမှ ကျနော်တို့လိုချင်တဲ့ စစ်မှန်တဲ့ ပြည်နယ်ပေါင်းစု ပြည်ထောင်စုပိုပြီး ရေရှည်တည်တံ့မယ်။ ကျနော်ဒီလိုတွက်တယ်။ နိုင်ငံခြားလည်း အားကိုးလို့မရဘူး။ ကိုယ့်ကိုယ်ကိုယ်ပဲ လုပ်ရမယ်။ ကမ္ဘာကဖိအားပေးတော့ ပေးမယ်။ ဒီနှစ်ရပ်စလုံးထက် ကိုယ့်ကိုယ်ကိုယ်ပဲ အားကိုးလုပ်ရမယ်။
မေး။ ။ လက်နက်ကိုင်ပြီးတော့ ဗိုလ်မှူးချုပ်တို့တိုက်ပွဲဝင်တဲ့အခါမှာ ဒီလက်နက်ကိုင်ထားတဲ့အတွက်
ကေအန်ယူဟာ စစ်အစိုးရကို ဆက်ပြီးတိုက်ခိုက်နေတယ်။ လက်နက်လည်း ကိုင်ထားတယ် ဆိုတဲ့အတွက် နိုင်ငံတကာကနေပြီး ကေအန်ယူအဖွဲ့အစည်းကို အကူအညီပေးမယ်ဆိုရင် အဟန့်အတား ဖြစ်မသွားနိုင်ဘူးလား အခုလောလောဆယ်။
ဖြေ။ ။ ဖြစ်တော့ဖြစ်သွားနိုင်တယ်။ အခု ကျနော်တို့က တိုက်တာမှမဟုတ်ပဲ။ နိုင်ငံရေးနည်းနဲ့ဖြေရှင်းရင် ကျနော်တို့ ဖြေရှင်းမယ်။ ကျနော်တို့ ကေအန်ယူက အမြဲတမ်း တံခါးဖွင့်ထားတယ်။ နုိင်ငံရေးကို နိုင်ငံရေးနည်းနဲ့ဖြေရှင်းမယ်။ လက်နက်မပါဘူးဆိုလို့ရှိရင် ကျနော်တို့ကို ဘယ်လောက် နှိပ်စက် ဘယ်လောက်ညှဉ်းပန်းမလဲ။ အခု လက်နက်ကိုင် ထားတာဟာ ကိုယ့်ကိုယ်ကိုယ်လည်းကာကွယ်တယ်။ ကိုယ့်လူထုကိုလည်း ကာကွယ်တယ်။ တကယ်လို့ငြိမ်းချမ်းမယ် ဆိုလို့ရှိရင် ကျနော်တို့လက်နက်ကိုင်စရာ ဘာလိုတော့မလဲ။ အားလုံးမြန်မာပြည်မှာ စစ်တပ် ဘယ်လောက်ထားမလဲ၊ ပြည်နယ်တခု ဘယ်လောက်ထားမလဲ။ အားလုံးတိုင်းရင်းသားတွေ ဆုံးဖြတ်ရမယ့် တာဝန်ပဲလေ။
ညီညွတ်လျှင် စစ်အာဏာရှင် ပြုတ်ကျမည်
မေး။ ။ အခုလက်ရှိမြန်မာပြည်မှာ စစ်အစိုးရအုပ်ချုပ်နေတာကို ပြန်ကြည့်လို့ရှိရင် ကာကွယ်ရေးဦးစီးချုပ် တယောက် ရဲ့လက်ထဲမှာ အာဏာအပြည့် အပ်လိုက်တာ။ အဲဒီစနစ်လုပ်ထားတာ။ ဒီလူတယောက်တည်းကနေပြီးတော့ မြန်မာပြည် တပြည်လုံးကို အာဏာရှင်လို အုပ်ချုပ်သွားတဲ့အခါကျတော့ အဲဒီအာဏာရှင်စနစ်နဲ့ နောက်တခါလာမယ့် နောက်လာမယ့် ၂၀၁၀-ရွေးကောက်ပွဲမှာ ပေါ်ပေါက်လာမယ့်အစိုးရ လက်ထက်မှာလည်းပဲ စစ်တပ်ကာကွယ်ရေးဦးစီးချုပ်က အခုထက် ပိုပြီးတော့တောင်မှ သြဇာကြီးနေတယ်။ သူတို့သတ်မှတ်ထားတာ။ အဲဒီလိုသြဇာကြီးနေတဲ့ အခါကျတော့ ကာကွယ်ရေး ဦးစီးချုပ်ကို ကာကွယ်ရေးဝန်ကြီး ကတောင် ပြန်ပြီးတော့မှကြောက်နေရတဲ့သဘောလိုမျိုးဖြစ်နေတော့ ရလလဖ ဗိုလ်မှူးကြီး ခွန်သူရိန်တို့လည်း ဒါကို မကျေနပ်လို့ တောခိုလာတယ်။
မေး။ ။ ဆိုရင် ဒီအနာဂတ်မြန်မာ စစ်တပ်ဟာ နောက်ထပ် ကာကွယ်ရေးဦးစီးချုပ်တယောက်တည်းက နေအာဏာသိမ်းလို့မရ အောင် ဘယ်လိုပုံစံလုပ်သင့်တယ်လို့ ထင်ပါသလဲ။
ဖြေ။ ။ အဓိကသူတို့အာဏာတည်တံ့ခိုင်မြဲရေးပဲရှိတယ်လေ။ ဟိုတုန်းက ဦးနေဝင်း ၇၄-မှာ ဒီလိုပဲလေ။ အခုဟာ ၂၀၀၉-၂၀၁၀ မှာ ရွေးကောက်ပွဲလုပ်မယ်။ သူနိုင်မှာသိတယ်။ ဒီတက်လာမယ့် အရပ်သားအစိုးရက သူတို့လူပဲလေ။ ဒါပရိယာယ်ပဲလေ။ တကမ္ဘာလုံးကလည်း သိတယ်။ ပြည်သူလူထုကလည်းသိတယ်။ နောက်ဆက်ပြီး အာဏာယူလို့ မရအောင် ကျနော်တို့တိုင်းရင်းသားအားလုံးရော၊ ငြိမ်းချမ်းရေးယူထားတဲ့အဖွဲ့ရော သူတို့အတွက် ကိုယ်ပိုင်ပြဋ္ဌာန်းခွင့် မရလို့ ရှိရင် သူတို့ပြည်သူအတွက် အားထားရမယ်ဆိုရင်လည်း တမျိုးမျိုးတော့ ကြိုတင်ပြင်ဆင်ထားလားဆိုတာ ကျနော်တော့ ကြိုတင်မသိဘူးလေ။
ဒီတော့ ကျနော်အကြံပေးချင်တာကတော့ တော်လှန်တဲ့ ဒီမိုကရေစီသားအားလုံးညီညွတ်မယ်ဆိုရင်၊ ပြည်သူလူထုနဲ့ တသားတည်းရှိမယ်ဆိုရင်တော့ ဒီအစိုးရပြုတ်ကျရမယ်။ သိပ်မကြာတော့ဘူးလေ။ ရွေးကောက်ပွဲပြီးမယ်ဆိုရင် မြန်မာပြည်မှာ တပ်မတော်ဆိုတာ တခုတည်းရှိရမယ်။ ကျန်တဲ့ငြိမ်းချမ်းရေးယူတဲ့တပ်တွေဟာ သူတို့ကာကွယ်ရေး တပ်လား၊ အမျိုးသားတပ်လားဆိုတာ သူတို့နာမည်ပေးချင်ပေးမယ်။ စီးပွားရေး အခွင့်ထူးခံ ပေးချင်ပေးမယ်။ ပြည်သူလူထုအတွက် အဖိနှိပ်ခံတပ်ပဲ။ သူတို့လူမျိုးအတွက် ဘာမှအခွင့်အရေးမရှိဘူး။ သူတို့သိလည်း သိမယ်။ ဒါက ဒီအချိန်ကျလို့ရှိရင်တော့ အခြေအနေက တမျိုးပြောင်းမယ်။ တတ်နိုင်သမျှ ကျနော်တို့လည်း ကိုယ့်နည်းကိုယ့်ဟန်နဲ့ လုပ်ကြမှာပေါ့။ ဒါပေမယ့် လက်နက်တော့ ကိုယ့်လက်ထဲမှာ ရှိကို ရှိရမယ်။ ဒီလူတွေဟာ နိုင်ငံရေးနည်းနဲ့ ဖြေရှင်းလို့ မရတာသိတယ်။ ဒါပေမယ့် အာဏာရှင်ဆိုတော့ သူအချိန်နဲ့သူ မမျှော်လင့်ပဲ ပြုတ်ကျတာရှိတယ်။ ဘာမှအားငယ်စရာ မလိုဘူးလေ။
မေး။ ။ ပြီးခဲ့တဲ့လပိုင်းအတွင်းမှာ တိုက်ပွဲအခြေအနေဘယ်လိုရှိပါသလဲ။ စစ်အစိုးရနဲ့။
ဖြေ။ ။ ကျနော်တို့နယ်မြေမှာ အခုနပြောသလိုပေါ့။ အမြဲတိုင်းသတိနဲ့ပေါ့။ အဓိကက နိုင်ငံရေးနည်းနဲ့ဖြေရှင်းမယ်။ တကယ်တော့ ဒီလိုတိုက်ပွဲမျိုးဟာ အလကား။ ကျနော်တို့အတွက်ဆို ဘာမှအဓိပ္ပာယ်မရှိဘူး။ စစ်တပ်လည်းသေမယ်။ ကျနော်တို့ တော်လှန်ရေးအဖွဲ့အစည်းလည်းသေမယ်။ ပြည်သူလူထုလည်း ဒုက္ခရောက်မယ်ဆိုတော့ ဒီအနှစ် (၆၀) ဆိုတော့ သူတို့ သဘောပေါက်သင့်ပြီပေါ့။
စစ်အစိုးရနှင့် ပူးပေါင်းသည့် ကရင်လက်နက်ကိုင်အဖွဲ့များပြန်လာဖို့ ကြိုဆို
မေး။ ။ နောက်တချက်က ဒီကေဘီအေက စစ်အစိုးရနဲ့ ပူးပေါင်းသွားတဲ့အတွက် ဒီကေဘီအေလည်း ကိုယ့်တိုင်းရင်း သားအတူတူဖြစ်တဲ့အတွက် သူတို့ကို ပြန်ပြီးပူးပေါင်းနိုင်အောင် စည်းရုံးဖို့ရော အစီအစဉ်ရှိပါ သလားခင်ဗျ။
ဖြေ။ ။ ကျနော်တော့ အမြဲရှိတယ်။ အမြဲတမ်းပဲပြောတယ်။ အရေးကြီးရင် သွေးနီးရမယ်။ ဒီကေဘီအေ အဖွဲ့ပြီးပြီ။ ဘယ်ငြိမ်းချမ်းရေးအဖွဲ့ ဖွဲ့ပြီးပြီလဲ။ သံတောင်ငြိမ်းချမ်းရေးလား၊ ဟောင်သရောလား၊ သမူဟဲလား၊ ကျနော်က အမြဲ တံခါးဖွင့်ထားတယ်။ ကျနော်တို့ညီမှ ပြည်သူလူထု လိုလားတဲ့ ဒီမိုကရေစီရမယ်။ လိုလားတဲ့ အခွင့်အရေးကို ရမယ်ဆိုတော့ အမြဲတံခါးဖွင့်ထားတယ်။ အခုနားလည်မှု ယူထားတယ်။ သူတို့ အရင်လာတိုက်ရင်တော့ ကျနော် ပြန်တိုက်မှာပါ။ သူတို့အရင် ကျနော် ဘယ်တော့မှမလုပ်ဘူး။ ကျနော့်နယ်မြေမှာပေ့ါလေ။ တခြားတပ်မှာတော့ ကျနော်ပြောမတတ်ဘူး။
မေး။ ။ အခုစစ်ရေးနည်းနဲ့ ဗိုလ်မှူးချုပ်အုပ်ချုပ်နေတဲ့ကာလမှာ အားလုံးတပ်မှူးတွေ၊ ဘာတွေအနေနဲ့ရော ဗိုလ်မှူးချုပ် ပြောတဲ့အတိုင်း နိုင်ငံရေးနည်းနဲ့ ဖြေရှင်းဖို့ ဦးစားပေးလိုတယ်။ စစ်ရေးနည်းကတော့ ပြည်သူလူထုနဲ့ ကိုယ့်တပ်ကို ခုခံကာကွယ်ဖို့အတွက်ပဲ ထားမယ်။ လိုအပ်ရင်တော့ တိုက်ပွဲဖြစ်ရင် ပြန်ပစ်မယ်ဆိုတဲ့မူကို လက်ခံတဲ့သူရှိသလား။ ဒါမှမဟုတ်လည်း စစ်ရေးနည်းနဲ့ပဲ ရန်သူကို ထိုးစစ်ဆင်ပြီး တိုက်ချင်တယ်ဆိုတဲ့အပိုင်းနဲ့ ဘာဟာက ပိုများပါသလဲ။
ဖြေ။ ။ အခုဟာက နိုင်ငံရေးကို နိုင်ငံရေးနည်းနဲ့ပဲဖြေရှင်းမယ်ဆိုတာကို ကျနော့်လူတွေအားလုံးက လက်ခံပါတယ်။ တကယ်လို့ စစ်ရေးထိုးရမယ်ဆိုလည်း ပြန်လုပ်ရမှာပဲ။ ဒါကကြိုတင်ပြောလို့မရဘူးလေ။ တကယ်လို့ သူတို့အရင် စစ်ထိုးလာရင် ကျနော်တို့လည်း တတ်နိုင်သမျှပြန်လုပ်ရမှာပေါ့လေ။
မေး။ ။ အင်အားအနေနဲ့ မွေးထုတ်တဲ့အခါမှာ နောက်လူငယ်တွေအတွက် အခြေခံစစ်သင်တန်းတို့ဘာတို့ သင်တန်းနဲ့ ပတ်သက်လို့ ဘာတွေပြင်ဆင်ထားလဲခင်ဗျ။ စစ်သင်တန်းနဲ့ပတ်သက်လို့ နောင်မျိုးဆက်သစ်တွေပိုပြီးတော့ စစ်ရေး အတွေ့အကြုံ ကြွယ်ဝအောင်ပေါ့လေ။
ဖြေ။ ။ ကျနော်တို့ဘက်ကလား။ အခု အသိပညာပေးထားတယ်။ သင်တန်းဖွင့်ထားတယ်။ အမျိုးမျိုးပေါ့။ နောက်မျိုး ဆက်သစ်လူငယ်တွေကိုလည်း ပြောတယ်။ သမိုင်းပေးတာဝန်တော့ လုပ်ရမယ်။ အားလုံးပြင်ဆင်ထားတယ်။ အခုလောလောဆယ် ကျနော်တို့အင်အား အာဏာရှင်ထက် နည်းတယ်။ ဒါပေမယ့် တရားသောစစ် တနေ့တော့ အောင်မြင်ရမယ်။ ဘယ်လောက်ပဲ အင်အားကြီးကြီး၊ လက်နက်ဘယ်လောက်ကောင်းကောင်းပေါ့လေ အားမငယ်နဲ့။ တနေ့ကျရင် တရားသောစစ် အောင်မြင်ရမယ်။ တော်လှန်ရေးဆိုတာ တနေ့ကျရင်ပြည်သူလူထုသိလာမယ်။ ထောက်ခံလာမယ်ဆိုရင် ပြည်သူလူထုနဲ့လက်တွဲပြီး၊ ဒီမိုကရေစီအဖွဲ့အစည်းအားလုံးနဲ့ ညီညီညွတ်ညွတ် လုပ်ကြမယ် ဆိုရင် တနေ့ကျ ကျနော်တို့လိုချင်တဲ့ စစ်မှန်တဲ့ပြည်ထောင်စုကို ရရမယ်။
မေး။ ။ တကယ်တော့ ကေအန်ယူဆိုတာ ကေအန်အယ်လ်အေပဲ။ ကေအန်အယ်လ်အေ ဆိုတာ လက်နက်ကိုင် တိုက်နေပေမယ့်လို့ အနောက်နိုင်ငံတွေ အမေရိကန်ပြောသလုိ အကြမ်းဖက်တာမဟုတ်ဘူး။ ကိုယ့်လူမျိုးရဲ့ အခွင့်အရေးကိုကာကွယ်ဖို့နဲ့ စစ်အစိုးရဘက်က တပ်တွေ မစော်ကားဖို့အတွက်ကို လက်နက်ကိုင်ထားတာဖြစ်တယ်။ အဲဒီအတွက်ဆိုလို့ရှိရင် နိုင်ငံတကာ အဖွဲ့အစည်းတွေအနေနဲ့ ကေအန်ယူဖြစ်စေ၊ ကေအန်အယ်လ်အေဖြစ်စေ၊
နောက်ထပ်ရန်ပုံငွေ ပံ့ပိုးပေးချင်အောင်၊ ဘာပြောချင်ပါသေးလဲခင်ဗျာ။
ဖြေ။ ။ အခု ကျနော့် ကေအန်အယ်လ်အေက ကေအန်ယူရဲ့ နိုင်ငံရေးအောက်မှာပေါ့။ ကျနော်တို့က ကိုယ့်လူမျိုး၊ ကိုယ့်လူထုတွေကို ပစ်သတ်၊ သတ်ဖြတ်တာကို မခံနိုင်လို့ ကျနော်တို့လက်နက်ကိုင်ပြီး လူထုကို ကာကွယ်တယ်။ ကိုယ့်ကိုယ်ကိုယ် ကာကွယ်တာပဲဆိုတော့ သူတို့စေတနာရှိရင် ရှိသလောက် ပေးလို့ရတာပေါ့လေ။
စစ်ရေးမဟာမိတ်အဖွဲ့အခြေအနေ
မေး။ ။ ကျနော်မှတ်မိတာ လွန်ခဲ့တဲ့ (၅) နှစ်ဝန်းကျင်လောက်က ကေအန်ယူအပါအဝင် လက်နက်ကိုင် နယ်စပ်က အဖွဲ့ (၅) ဖွဲ့၊ (၆) ဖွဲ့လား တခုဖွဲ့ထားတယ်လေ။
ဖြေ။ ။ စစ်ရေးမဟာမိတ်။
မေး။ ။ စစ်ရေးမဟာမိတ်ကရော အခုထက်ထိရှိသေးလား။
ဖြေ။ ။ ရှိတယ်။
မေး။ ။ စစ်ရေးမဟာမိတ်အဖွဲ့အနေနဲ့ရော လေး-ငါးနှစ်အတွင်းမှာ ဘယ်လိုများထူးထူးခြားခြားလုပ်နိုင်ခဲ့လဲ။ ဒီမိုကရေ စီအရေး၊ စစ်အစိုးရကို ဆန့်ကျင်ရေးနဲ့ပတ်သက်လို့ပေါ့။
ဖြေ။ ။ စစ်ရေးမဟာမိတ်အဖွဲ့က ကျနော်တို့ ကေအန်အယ်လ်အေ ဗဟိုဌာနချုပ်မှာပဲတာဝန်ရှိတယ်။ အခုလောလော ဆယ်တော့ ဒီမှာ လာပူးပေါင်းတဲ့ အဖွဲ့တော့ အခြေအနေအရ စောင့်ကြည့်ရမှာပဲ။ ကျနော်တို့ နယ်မြေလာတော့ ကျနော်တို့ အခြေအနေပေါ်မှာပဲ သူတို့ လိုက်နာရမှာပေါ့။
မေး။ ။ မြန်မာနိုင်ငံမှာရှိတဲ့ ကရင်အသိုင်းအဝန်း၊ နောက် နိုင်ငံခြားမှာ ရောက်နေတဲ့ ကရင်အမျိုးသား အသိုင်းအဝန်း တွေကို တပ်မ (၇) တာဝန်ခံအနေနဲ့ ဗိုလ်မှူးချုပ်ဂျော်နီ ဘာများပြောချင်ပါသလဲ။
ဖြေ။ ။ ကျနော့်အနေနဲ့ ပြည်တွင်းမှာရှိတဲ့ တိုင်းရင်းသားအားလုံး၊ ပြည်သူလူထုအားလုံး၊ ကရင်ဖြစ်ဖြစ်၊ ဗမာဖြစ်ဖြစ်၊ မွန်ဖြစ်ဖြစ်၊ အားလုံး ဒီအာဏာရှင်ပြုတ်ကျအောင် လူတိုင်းတာဝန်ရှိတယ်။ နိုင်ငံခြားရောက်တဲ့ ကရင်တွေဖြစ်စေ၊ တိုင်းရင်းသား အားလုံးပေါ့။ အားမငယ်ပါနဲ့။ အာဏာရှင်ဆိုတာခေတ်မရှိတော့ဘူး။ အဓိကကတော့ ညီညွတ်ဖို့ပဲ။ စည်းလုံးမှုဟာ အင်အားပဲ။ တနေ့ကျ ပြည်သူကလက်တွဲလာရင် မကြာတဲ့ကာလမှာ စစ်မှန်တဲ့ဒီမိုကရေစီ၊ စစ်မှန်တဲ့ ငြိမ်းချမ်းရေးရမှာပဲ။ တတ်နိုင်တဲ့ဘက်က ကျနော်တို့လည်း ကူညီမှာပဲ။ အခု ကျနော်တို့အသေခံတာ အဖိနှိပ်ခံ တိုင်းရင်းသား အားလုံးအတွက်၊ ဒီအတွက်ချည်းပဲ မဟုတ်ဘဲနဲ့ မြန်မာပြည်မှာရှိတဲ့ လူထုလူတန်းစား တိုင်းရင်းသား အားလုံးအတွက်ပဲ ကျနော်တို့ ကေအန်ယူက မားမားမတ်မတ်ရပ်တည်နေမှာပဲ။
Type your summary here.
Type the rest of your post here.
